ខេត្តបន្ទាយមានជ័យ ៖ ស្ទះចរាចរណ៍ជិតមួយម៉ោងបណ្តាលមកពីកម្មវិធីឡើងគេហដ្ឋានថ្មី ចតរថយន្តគ្មានសណ្តាប់ធ្នាប់ស្ទះតាំងម៉ោង៧យប់ដល់ជិតម៉ោង៨យប់ ថ្ងៃទី១១ ខែមករា ឆ្នាំ២០១៨នេះ តាមបណ្តោយផ្លូវជាតិលេខ៥ ស្ថិភូមិព្រែកជីក ឃុំឫស្សីក្រោក ស្រុកមង្គលបូរី។ នៅពេលដែលស្ទះចរាចរណ៍អ្នកដំណើររិះគន់ថា បណ្តាលមកពិធីឡើងគេហដ្ឋានថ្មី ហើយភ្ញៀវចតរថយន្តតាមចិញ្ចឹមផ្លូវព្រោងព្រាតគ្មានសណ្តាប់ធ្នាប់ ហើយរថយន្តចរាចរណ៍ទៅមកមិនរួចបណ្តាលឲ្យស្ទះចរាចរណ៍ជិតមួយម៉ោងទើបចរាចរណ៍ទៅមុខរួច។
អ្នកដំណើរបានសុំឲ្យម្ចាស់កម្មវិធីមានបុណ្យទាន ឬឡើងគេហដ្ឋានថ្មី និងពិធីអ្វីផ្សេងៗដែលមានផ្ទះក្បែរផ្លូវជាតិ គួរតែរកកន្លែងដាក់ភ្ញៀវឲ្យបានត្រឹមត្រូវ និងឲ្យមានសមត្ថកិច្ចជំនាញធ្វើចរាចរណ៍ឲ្យបានត្រឹមត្រូវ ការពារស្ទះចរាចរណ៍ដូចពិធីឡើងគេហដ្ឋានថ្មីរបស់ម្ចាស់ហ្គារ៉ាសសាំងធ្វើឡើងគ្មានការរៀបចំរថយន្តភ្ញៀវបណ្តាលស្ទះចរាចរណ៍កើតឡើងព្រោះតែប្រយោជន៍ខ្លួនប៉ះពាល់ដល់ផ្លូវសាធារណៈ។ គួររំលឹកថា វាកើតមានជាញឹកញាប់ណាស់ចំពោះអ្នកដែលធ្វើកម្មវិធីផ្ទះជាប់ផ្លូវជាតិ មិនចេះរកកន្លែងចតរថយន្តភ្ញៀវយកចិញ្ចើមផ្លូវចតរថយន្តដែលប៉ះពាល់ដល់អ្នកដំណើរតាមផ្លូវ គួរតែកុំឲ្យកើតមានហើយសមត្ថកិច្ចជំនាញគួរតែមើលផង៕
ចែករំលែកព័តមាននេះ