ខេត្តកណ្តាល ៖ មន្ត្រីតុលាការថ្លែងថា លោកឯក ស៊ុនរស្មី ព្រះរាជអាជ្ញារងនៃអយ្យការអមសាលាដំបូងខេត្តកណ្តាល ពេលនេះកំពុងស៊ើបអង្កេតការស្លាប់របស់អ្នកទោសក្នុងពន្ធនាគារខេត្តកណ្តាល តម្រុយជាច្រើនបង្ហាញថា ជាការវៃតប់គ្នារហូតដល់ស្លាប់ ។…
ខេត្តកណ្តាល ៖ មន្ត្រីតុលាការថ្លែងថា លោកឯក ស៊ុនរស្មី ព្រះរាជអាជ្ញារងនៃអយ្យការអមសាលាដំបូងខេត្តកណ្តាល ពេលនេះកំពុងស៊ើបអង្កេតការស្លាប់របស់អ្នកទោសក្នុងពន្ធនាគារខេត្តកណ្តាល តម្រុយជាច្រើនបង្ហាញថា ជាការវៃតប់គ្នារហូតដល់ស្លាប់ ។
កាលពីប្រភពព័ត៌មានបានបង្ហើបឲ្យដឹងថា ថ្ងៃទី១១ ខែមករានេះ លោកឯក ស៊ុន រស្មី ព្រះរាជអាជ្ញារងនៃអយ្យការអមសាលាដំបូងខេត្តកណ្តាល ធ្លាប់កោះអញ្ជើញម្តាយនៃសពអ្នកទោសមកបំភ្លឺរួចហើយ ។ ពេលនេះតុលាការកំពុងបន្តនីតិវិធីដោយពុំទាន់សម្រេចយ៉ាងណានៅឡើយទេ ជុំវិញករណីខាងលើនេះម្តាយនៃសពអះអាងថា កូនប្រុសមានស្លាកស្នាមច្រើន ដែលមិនទំនងជាការលោតសម្លាប់ខ្លួននោះទេ ហើយលោកស្រីជាគ្រូបង្រៀនរូបនេះបានប្តឹងករណីនេះឲ្យចូលតុលាការ ដើម្បីស្វែងរកការពិត ។
ជនត្រូវចោទឈ្មោះមុត លីណាន ភេទប្រុស អាយុ៣១ឆ្នាំ ជាប់ចោទពីបទ”ធ្វើឱ្យខូចខាតដោយចេតនា”ប្រព្រឹត្តនៅភូមិទេពអរជូន ឃុំកោះខែល ស្រុកស្អាង កាលពីថ្ងៃទី១២ ខែធ្នូ ឆ្នាំ២០១៧ តាមមាត្រា៤១០នៃក្រមព្រហ្មទណ្ឌ ។ ជននេះត្រូវបានលោកគឹម ម៉េង ចៅក្រមស៊ើបសួរសាលាដំបូងខេត្តកណ្តាល ឃុំខ្លួននៅថ្ងៃទី១៣ ខែធ្នូ ឆ្នាំ២០១៧ ។
បញ្ជាក់ កាលពីចុងខែធ្នូ ឆ្នាំ២០១៧ ជននេះបានលោតសម្លាប់ខ្លួនពីស៊ីទែនផ្ទុកទឹកដ៏ធំ ក្នុងពន្ធនាគារ ដែលអ្នកដឹងរឿងច្បាស់អះអាងថា ទំនងមិនមែនជាករណីលោតសម្លាប់ខ្លួនទេ គឺជាករណីវៃតប់គ្នាក្នុងពន្ធនាគារ ។
លោកណុស បូផល មេធាវីតំណាងម្តាយសពជនរងគ្រោះថ្លែងថា កាលដែលម្តាយប្តឹងចូលតុលាការ គឺចង់ឱ្យតុលាការស្វែងរកការពិតក្នុងករណីនេះដែលម្តាយនៃសពអះអាងថា សពកូនប្រុសមានស្លាកស្នាមច្រើនដែលមិនទំនងជាការលោតសម្លាប់ខ្លួននោះទេ ។ លោក ចាត ស៊ីនាង ប្រធានពន្ធនាគាខេត្តកណ្តាល បដិសេធថា នេះពុំមែនជាករណីវៃតប់គ្នារហូតដល់ស្លាប់ទេ គឺអ្នកទោសលោតសម្លាប់ខ្លួនឯង ៕
ចែករំលែកព័តមាននេះ