នាង Blanca Blanco បានបង្ហាញខ្លួននៅលើកម្រាលព្រំក្រហមនៃពិធីប្រគល់«ភូគោលមាស»ប្រចាំឆ្នាំ២០១៨ (Golden Globe 2018)ខណៈពេលតារាសម្តែងគ្រប់រូបសស្ថិតក្នុងឈុតពណ៌ខ្មៅ ដើម្បីបង្ហាញពីគោលជំហរប្រឆាំងនឹងការល្មើសផ្លូវភេទនៅក្នុងមជ្ឈដ្ឋានសម្តែង ។
នាង Blanco អាយុ៣៦ឆ្នាំ ធ្លាប់មានស្នាដៃសម្តែងចំនួន៤០រឿង គឺជាខ្សែភាពយន្តខ្លី ។ នៅក្នុងឆ្នាំ២០១៨នេះនឹងមានខ្សែភាពយន្តរបស់នាងចំនួន៦រឿងទៀតចាក់បញ្ចាំង ។
នាង Blanco បានធំធាត់នៅក្នុងក្រុមគ្រួសារជនភៀសខ្លួនបំពេញការងារច្រើន និងមានក្តីស្រមៃចង់ក្លាយជាតារាសម្តែងតាំងពីនៅកុមារ ។
នៅក្នុងពិធីប្រកាសពានរង្វាន់ភូគោលមាស២០១៨នេះ នាងBlaco ជាតារាដ៏លេចធ្លោតាមរយៈការស្លៀកពាក់ឈុតក្រហម ខណៈពេលតារាផ្សេងទៀតស្ថិតក្នុងឈុតខ្មៅដើម្បីប្រឆាំងនឹងវប្បធម៌ជាន់ឈ្លីលើផ្លូវភេទតារាស្រី ដែលបានបើកកកាយកាលពីឆ្នាំមុន រហូតក្លាយជាចំណាប់អារម្មណ៍ក្នុងមជ្ឍដ្ឋានសម្តែងហូលីវូដ ។
នាង Blanco បានចូលរួមពិធីភូគោលមាសជាមួយប្តីលោក John Savaye ហើយនាងបានសម្តែងការយល់ឃើញនានាទាក់ទិននឹងរឿងសម្លៀកបំពាក់ខុសពីអ្នកផ្សេង ។
ក្រៅពីគ្រងឈុតពណ៌ក្រហមខុសពីតារាហូលីវូដផ្សេងទៀតនោះ ឈុតពណ៌ក្រហមរបស់ Blanco បានរំលេចដោយភាពសិចស៊ី ដោយបង្ហាញសាច់សខ្ចី ធ្វើឱ្យរូបថត និងឈ្មោះរបស់នាងបង្ហាញក្នុងពិធីប្រកាសពានរង្វាន់ភូគោលមាស ៕
ចែករំលែកព័តមាននេះ