ក្រុមអ្នកស្រាវជ្រាវអាមេរិកជឿថា ហាត់ប្រាណដោយដើរត្រឹមតែ២ម៉ោងកន្លះក្នុងមួយសប្តាហ៍អាចជួយបង្កើនអាយុបានជាង៧ឆ្នាំ ។ មិនត្រឹមតែប៉ុណ្ណឹងទេ សូម្បីតែដើរញាប់៧៥នាទីក្នុងមួយសប្តាហ៍ក៏អាចបង្កើនអាយុបានជិត២ឆ្នាំផងដែរ ។ លទ្ធផលនេះបានកើតចេញពីការវិភាគ និងពិសោធលើមនុស្សប្រុសស្រីអាយុចាប់ពី៤០ឆ្នាំជាង៦០ម៉ឺននាក់ ។ អ្នកដែលមានទម្ងន់ស្ថិតក្នុងកម្រិតសុខភាពគឺជាក្រុមដែលទទួលបានអត្ថប្រយោជន៍ច្រើនជាងគេបំផុតចំពោះការដើររយៈពេល២ម៉ោងកន្លះក្នុងមួយសប្តាហ៍នេះ ពោលគឺអាចបង្កើនអាយុរបស់ពួកគេបានដល់ជាង៧ឆ្នាំ ។
ចំណែកក្រុមមានទម្ងន់ក្នុងកម្រិតសុខភាពតែមិនហាត់ប្រាណ ការសិក្សាពិនិត្យឃើញថាឆាប់ស្លាប់ជាងអ្នកធាត់ខ្លាំង តែហាត់ប្រាណដល់ទៅ៣.១ឆ្នាំ ។ ទំនាក់ទំនងរវាងអាយុកាលមធ្យម និងការកាត់ប្រាណពិតជាមិនអាចកាត់ផ្តាច់គ្នាបានក្នុងចំណោមអ្នកដែលធ្លាប់មានប្រវត្តិកើតមហារីកនិងជំងឺបេះដូងធៀបទៅនឹងអ្នកដែលគ្មានប្រវត្តិកើតជំងឺនេះ ។ វេជ្ជបណ្ឌិត I-Min Lee អ្នកនិពន្ធជាន់ខ្ពស់នៃការសិក្សាបានថ្លែងថា ៖«យើងមិនត្រូវមើលស្រាលពីសារសំខាន់នៃសកម្មភាពរាងកាយដែលនាំមកនូវសុខភាពល្អនោះទេ បើទោះជាសកម្មនោះត្រឹមកម្រិតមធ្យមក្តី ប៉ុន្តែវានៅតែអាចបង្កើនអាយុរបស់យើងបាន » ៕
ចែករំលែកព័តមាននេះ