កីឡាករ Luis Suarez បានសន្យាថា នឹងជួយឱ្យកីឡាករចំណូលថ្មី Philippe Coutinho ដែលជាដៃគូប្រយុទ្ធចាស់ឱ្យសម្រេចបាននូវក្តីសុបិន្តរបស់គេក្រោយពីផ្ទេរពីក្រុមហង្សក្រហម Liverpool ទៅ…
កីឡាករ Luis Suarez បានសន្យាថា នឹងជួយឱ្យកីឡាករចំណូលថ្មី Philippe Coutinho ដែលជាដៃគូប្រយុទ្ធចាស់ឱ្យសម្រេចបាននូវក្តីសុបិន្តរបស់គេក្រោយពីផ្ទេរពីក្រុមហង្សក្រហម Liverpool ទៅ Barcelona ។
តារាបាល់ទាត់ប្រេស៊ីលរូបនេះបានផ្ទេរទៅកាន់ទឹកដី Camp Nou កាលពីថ្ងៃចន្ទ ដោយចុះហត្ថលេខាលើកិច្ចសន្យា៥ ឆ្នាំកន្លះក្រោយពីការចុះកិច្ចព្រមព្រៀងរួចរាល់ជាមួយក្លឹបក្នុងតម្លៃ១៦០លានអឺរ៉ូ ។ កីឡាករ Suarez អតីតខ្សែប្រយុទ្ធដែលលេងជាមួយ Coutinho នៅទឹកដី Anfield ក្រុមហង្សក្រហម Liverpool រហូតដល់បានផ្លាស់ប្តូរចូលរួមជាមួយក្រុមអ្នកមានបុណ្យ Barcelona កាលពីឆ្នាំ២០១៤ ពេលនេះកំពុងទន្ទឹងរង់ចាំ និងសង្ឃឹមនូវភាពជោគជ័យខ្ពស់ជាមួយដៃគូរប្រយុទ្ធចាស់ក្នុងក្លឹបហង្សក្រហមដើម្បីធ្វើព្យុះភ្លៀងនៅ Bacelona ។
ខ្សែប្រយុទ្ធមុតស្រួលរបស់ Bacelona កីឡាករ Suarez បានបង្ហោះរូបមួយសន្លឹកជាមួយកីឡាករចំណូលថ្មី Coutinho នៅលើបណ្តាញសង្គម Twitter ដោយបានសរសេរថា «សូមស្វាគមន៍មិត្តសម្លាញ់ តើវាល្អយ៉ាងណាទៅដែលបានចែករំលែកក្រុមជាមួយអ្នកម្តងទៀត» ។ ភ្ជាប់ជាមួយនោះដែរកីឡាករសញ្ជាតិអ៊ុយរូហ្គាយរូបនេះក៏បានបន្ថែមថា «ភាពជោគជ័យជាច្រើននៅក្នុងដំណាក់កាលថ្មីនេះយើងនឹងសម្រេចបានទាំងអស់គ្នារួមគ្នា!» ៕
ចែករំលែកព័តមាននេះ