អភិបាលខេត្តកំពតប្រារព្ធខួបលើកទី៣៩ ថ្ងៃជ័យជម្នះ៧មករា
- កំពត
ខេត្តកំពត ៖ ថ្នាក់ដឹកនាំខេត្ត កងកម្លាំងប្រដាប់អាវុធ មន្ត្រីរាជការ លោកគ្រូ អ្នកគ្រូ សិក្សានុសិស្ស ព្រះសង្ឃ និងប្រជាពលរដ្ឋគ្រប់មជ្ឈដ្ឋានដ៏ច្រើនកុះករ…
ខេត្តកំពត ៖ ថ្នាក់ដឹកនាំខេត្ត កងកម្លាំងប្រដាប់អាវុធ មន្ត្រីរាជការ លោកគ្រូ អ្នកគ្រូ សិក្សានុសិស្ស ព្រះសង្ឃ និងប្រជាពលរដ្ឋគ្រប់មជ្ឈដ្ឋានដ៏ច្រើនកុះករ បានអញ្ជើញចូលរួមប្រារព្ធពិធីអបអរសាទរខួបលើកទី៣៩ ថ្ងៃជ័យជំនះ ៧ មករា ១៩៧៩ – ៧ មករា ២០១៨ ដែលកម្មវិធីនេះប្រព្រឹត្តទៅនៅលើបរិវេណរមណីដ្ឋានស្រះឈូក ស្ថិតក្នុងភូមិសុវណ្ណសាគរ សង្កាត់កំពង់កណ្ដាល ក្រុងកំពត កាលពីព្រឹកថ្ងៃទី១០ ខែមករា ឆ្នាំ២០១៨ ។
កម្មវិធីនេះប្រព្រឹត្តិទៅក្រោមអធិបតីភាព លោក ជាវ តាយ អភិបាល នៃគណៈអភិបាលខេត្ត លោក អ៊ឹង ម៉េងហ៊ួរ ប្រធានក្រុមប្រឹក្សាខេត្ត លោក លោកស្រី ជាអភិបាលរងខេត្ត អភិបាលក្រុង ស្រុក មេឃុំ ចៅសង្កាត់ និងប្រជាពលរដ្ឋសរុបប្រមាណ៤,៩៦១នាក់ បានចូលរួមក្នុងអង្គពិធីនេះ ។
បន្ទាប់ពីលោក ជាវ តាយ អភិបាល នៃគណៈអភិបាលខេត្តឡើងថ្លែងសន្ទរកថាពីប្រវត្តិថ្ងៃជ័យជំនះ៧មករា រួចមក ពិធីបង្ហោះប៉េងប៉ោង និងលែងព្រាបសសន្តិភាព បានប្រព្រឹត្តិឡើងដើម្បីបញ្ចប់កម្មវិធីនាព្រឹកនេះ ប្រកបដោយភាពរីករាយ និងកក់ក្តៅជាទីបំផុត ៕
ចែករំលែកព័តមាននេះ