យោងទៅតាមសេចក្តីរាយការណ៍មួយពី The Guardian បានឲ្យដឹងថា ការហាត់យូហ្គាអាចមានប្រសិទ្ធភាពបន្ថយការប្រឈមនឹងជំងឺគាំងបេះដូង ឬដាច់សរសៃឈាមខួរក្បាលដូចគ្នានឹងការជិះកង់ ឬដើរ លឿនៗដែរ ។ អ្នកស្រាវជ្រាវបានប្រមូលលទ្ធផលនៃការសិក្សា…
យោងទៅតាមសេចក្តីរាយការណ៍មួយពី The Guardian បានឲ្យដឹងថា ការហាត់យូហ្គាអាចមានប្រសិទ្ធភាពបន្ថយការប្រឈមនឹងជំងឺគាំងបេះដូង ឬដាច់សរសៃឈាមខួរក្បាលដូចគ្នានឹងការជិះកង់ ឬដើរ លឿនៗដែរ ។
អ្នកស្រាវជ្រាវបានប្រមូលលទ្ធផលនៃការសិក្សា មុនៗ ហើយបានរកឃើញថា អត្ថប្រយោជន៍ចំពោះសុខភាពនៃការហាត់យូហ្គា គឺមានជាពិសេសបន្ថយការប្រឈមនឹងជំងឺបេះដូងសរសៃឈាម ព្រមទាំងជំងឺ Metabolic Syndrome ទៀតផង ។
បើយើងប្រៀបធៀបនឹងការមិនបានធ្វើអ្វីសោះ ឬសកម្មភាពដែលមិនមានការហាត់ប្រាណ ការហាត់យូហ្គាអាចជួយសម្រកទម្ងន់ជាមធ្យម ២,៣២គីឡូក្រាម ហើយក៏ជួយពង្រឹងដល់សន្ទស្សន៍ទម្ងន់ធៀបនឹងកម្ពស់ (BMI) សម្ពាធឈាម និងកម្រិតកូឡេស្តេរ៉ូល ដើម្បីការពារជំងឺបេះដូងសរសៃឈាមបានដែរ ។
ទោះបីជាយ៉ាងណាក៏ដោយ អ្វីដែលមិនច្បាស់នោះគឺថា តើការហាត់យូហ្គាប្រភេទណាដែលអាចឲ្យចេញជាលទ្ធផលបែបនេះ ។ ការហាត់យូហ្គាមួយចំនួន គឺផ្តោតសំខាន់ទៅលើសកម្មភាពរបស់រាងកាយ ខណៈពេលដែលផ្សេងទៀត ទាក់ទងនឹងការតាំងសមាធិ និងការធ្វើចលនា យឺតៗ ។
ដូច្នេះសង្ឃឹមថា អ្នកស្រាវជ្រាវអាចស្វែងរកវិធីយ៉ាងសមស្របមួយដែលបញ្ជាក់ថា ការហាត់យូហ្គាអាចជាជម្រើសដ៏ល្អមួយសម្រាប់អ្នកដែលគ្មានពេលទំនេរហាត់ប្រាណដូចជា ជិះកង់ ឬដើរលឿនៗ ដោយសារតែមានបញ្ហាក្នុងការដើរ ឬធ្វើចលនារាងកាយ ផ្សេងៗទៀត ៕
ចែករំលែកព័តមាននេះ