AFP ផ្សាយថា ស្រា«Vodka» ដែលថ្លៃបំផុតនៅលើពិភពលោកត្រូវចោរលួចពីរង្គសាលមួយក្នុងទីក្រុងកូប៉េនហាក កាលពីប៉ុន្មានថ្ងៃមុន និងបោះចោលនៅសល់តែដបទទេ នៅឯការដ្ឋានសំណង់មួយកណ្ដាលក្រុងដាណឺម៉ាក កាលពីពេល ថ្មីៗកន្លងមក ។…
AFP ផ្សាយថា ស្រា«Vodka» ដែលថ្លៃបំផុតនៅលើពិភពលោកត្រូវចោរលួចពីរង្គសាលមួយក្នុងទីក្រុងកូប៉េនហាក កាលពីប៉ុន្មានថ្ងៃមុន និងបោះចោលនៅសល់តែដបទទេ នៅឯការដ្ឋានសំណង់មួយកណ្ដាលក្រុងដាណឺម៉ាក កាលពីពេល ថ្មីៗកន្លងមក ។
អ្នកនាំពាក្យប៉ូលិសនៅក្រុងកូប៉េនហាកបានបញ្ជាក់ប្រាប់AFPថា មិនដឹងថាមានកើតអ្វីឡើងទៅលើស្រា «Vodka» ប៉ុន្តែវានៅសល់តែដបទទេ ។
ដបស្រា«Vodka» បានផលិតពីមាស និងផ្លាទីន គម្របដបធ្វើជាស្លាកសញ្ញាដែនដីរុស្សុីមានរូបឥន្ទ្រី២ក្បាលលំអដោយគ្រាប់ពេជ្រ មានតម្លៃខ្ពស់ដល់ទៅ១,៣លានដុល្លារ ដោយសារដបនេះមានសភាពល្អ បានបញ្ជូនឲ្យអ្នកជំនាញត្រួតពិនិត្យ ។ នៅក្នុងកាមេរ៉ាសុវត្ថិភាពបានបង្ហាញបុរសម្នាក់បិទមុខចូលទៅលួចដបស្រាដែលតាំងបង្ហាញនៅបញ្ជរ «Cafe 33» ក្រុងកូប៉េនហាក កាលពីថ្ងៃទី២ មករា២០១៨ ហើយក៏គេចខ្លួនបាត់ ។
លោកBrian Ingbergជាម្ចាស់រង្គសាលបានបង្ហើបឲ្យដឹងថាខ្លួនបានខ្ចីដប «Vodka»ពីអ្នកជំនួញជនជាតិរុស្ស៊ីម្នាក់ ដោយមិនបានធ្វើប័ណ្ណធានា ។ ជាសំណាងអាក្រក់មួយដែលសល់តែដបទទេ និងមានកម្មករសំណង់ម្នាក់ប្រទះឃើញ ។ លោកបានបញ្ជាក់បន្តទៀតថា«ខ្ញុំត្រេកអរបំផុតដែល «Vodka»ជួយយើង ដបស្រាមាសនេះ នៅមានតម្លៃខ្ពស់ទោះបីជាខូចខាតតិចតួចក៏ដោយ ។ យើងនៅមានស្រាប្រភេទដូចគ្នាទៀតយើងនឹងចាក់ចូលឲ្យពេញដូចដើម» ។
ចំណែកប៉ូលិសដាណឺម៉ាកបានគូសបញ្ជាក់ថា នឹងស៊ើបអង្កេតលើរឿងនេះ ប៉ុន្តែមិនបានផ្ដល់ភាពលំអិតបន្ថែមទេ ៕
ចែករំលែកព័តមាននេះ