ខេត្តក្រចេះ ៖ នគរបាលបានកំណត់ថា ការស្លាប់របស់បុរសម្នាក់គឺជាករណីអំពើរឃាត កម្មដែលបង្កឡើងពីជនមិនស្គាល់មុខបានលួចវាយសម្លាប់ទៅលើបុរសរងគ្រោះចំក្បាលផ្នែក ខាងក្រោយបណ្តាលឲ្យស្លាប់ ។ ហើយករណីមួយនេះក៏ត្រូវបាននគរបាលកំណត់បានលើមុខ សញ្ញារបស់ជនដៃដល់អស់ទៅហើយដែរ ។ នេះបើតាមការបញ្ជាក់ពីនគរបាលផ្នែកព្រហ្មទណ្ឌ ក្រុងក្រចេះ ។
អធិការរងទទួលផ្នែកព្រហ្មទណ្ឌលោកអនុសេនីយ៍ឯក អ៊ីវ សុខរ៉ាន់ បានបញ្ជាក់ឲ្យដឹងថា ជនរងគ្រោះត្រូវបានជនដៃដល់ប្រដាប់ដោយវត្ថុរឹងបានលួចវាយចំក្បាលបណ្តាលឲ្យប្រកាច់ និងបានស្លាប់ក្រោយពីបញ្ជូនមកសង្គ្រោះនៅមន្ទីរពេទ្យកាលពីព្រលប់ថ្ងៃទី០៧ ខែមករា ឆ្នាំ២០១៨ ។
ក្រោយការចុះស៊ើបអង្កេតបានពិនិត្យឃើញថា មូលហេតុឲ្យមានអំពើវាយសម្លាប់មួយករណី នេះគឺផ្តើមចេញពីរឿងគំនុំជំពាក់លុយគ្នាទៅវិញទៅមកក្នុងមុខរបរជំនួញទិញលក់ឈើរវាង ជនរងគ្រោះជាមួយ និងជនដៃដល់ ។
បើទោះជាបែបណាក្រោយពីបានបង្កហេតុវាយសម្លាប់ ទៅលើបុរសរងគ្រោះម្នាក់ឈ្មោះ រស់ ធឿន អាយុ៤២ឆ្នាំ បណ្តាលឲ្យស្លាប់នៅនឹងលំនៅឋានមួយ ដែលមានទីតាំងនៅក្នុងភូមិស្រែស្តៅ សង្កាត់អូរឬស្សី ក្រុងក្រចេះ រួចមកនោះជនសង្ស័យដៃដល់បានគេចខ្លួន និងមិន បានបន្សល់ទុកវត្ថុតាងអ្វីមួយនោះដែរ តែនគរបាលអះអាងថា ជនសង្ស័យត្រូវបានកំណត់ លើមុខសញ្ញាហើយក៏កំពុងតែបើកការស្រាវជ្រាវដើម្បីចាប់ខ្លួន ។
បើតាមលោកអធិការរងបានបញ្ជាក់ទៀតថា ជនរងគ្រោះបានរងរបួសធ្ងន់ត្រង់ក្បាលផ្នែកខាង ក្រោយបន្ទាប់ពីរងការវាយពីជនដៃដល់ជាមួយនឹងដែកទើបបណ្តាលឲ្យស្លាប់មិនអាចជួយ សង្គ្រោះបាន ៕
ចែករំលែកព័តមាននេះ