រាជធានីភ្នំពេញ ៖ ដាវកែច្នៃចំនួន២ ព្រមទាំងម៉ូតូចំនួន១៣គ្រឿង កាលពីវេលាម៉ោង១រំលងអធ្រាត្រឈានចូលថ្ងៃទី៨ ខែមករា នៅមុខក្លិបរីលិច្ស តាមផ្លូវលេខ២០១១ ស្ថិតក្នុងសង្កាត់កាកាបទី១ ខណ្ឌពោធិ៍សែនជ័យ…
រាជធានីភ្នំពេញ ៖ ដាវកែច្នៃចំនួន២ ព្រមទាំងម៉ូតូចំនួន១៣គ្រឿង កាលពីវេលាម៉ោង១រំលងអធ្រាត្រឈានចូលថ្ងៃទី៨ ខែមករា នៅមុខក្លិបរីលិច្ស តាមផ្លូវលេខ២០១១ ស្ថិតក្នុងសង្កាត់កាកាបទី១ ខណ្ឌពោធិ៍សែនជ័យ ។
ប្រភពព័ត៌មានពីសមត្ថកិច្ចបានឱ្យដឹងថា នៅពេលសមត្ថកិច្ចធ្វើការល្បាតដល់់ចំណុចខាងលើ ក៏ប្រទះឃើញក្មេងទំនើងទាំង២៧នាក់នេះ កំពុងឈរពពាក់ពពូនគ្នាគួរឱ្យសង្ស័យក៏ឃាត់ខ្លួនដើម្បីឆែកឆេរ ។ នៅពេលនោះ ក៏ប្រទះឃើញដាវ១នៅលើម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០១៥ ពណ៌ខ្មៅ ពាក់ផ្លាកលេខភ្នំពេញ ១CO-០៧៨៧ និងដាវ១ទៀតនៅលើម៉ូតូម៉ាកហ្សូ៊ម័រអុិច ពណ៌ខៀវ ពាក់ផ្លាកលេខភ្នំពេញ ១DO-៤៥៨៥ ។
ប្រភពព័ត៌មានដដែលឲ្យដឹងទៀតថា ខណៈឆែកឆេរឃើញបែបនេះ សមត្ថកិច្ចក៏បានឃាត់ខ្លួនក្មេងទំនើងទាំង២៧នាក់នេះតែម្តង ព្រមទាំងដកហូតម៉ូតូចំនួន១៣គ្រឿងផងដែរ។ ក្រោយពីឃាត់ខ្លួន ទាំងមនុស្សនិងវត្ថុតាងត្រូវបាននាំយកទៅសាកសួរនៅអធិការដ្ឋាននគរបាលខណ្ឌពោធិ៍សែនជ័យ ។
មានមតិជាច្រើនសំដែងចេញថា ឪពុកម្តាយឬអាណាព្យាបាល មិនគួរបណ្តែតបណ្តោយឱ្យកូន ឱ្យចៅអារាត់អារាយយប់អធ្រាត្របែបនេះទេ ។ កាលណាមានដាវ មានកាំបិតតាមខ្លួនបែបនេះ សង្ស័យជាសមាសភាពទុច្ចរិត ដែលនគរបាលបានរារាំងទប់ទាន់ពេល ។ នគរបាលកំពុងសង្ស័យថា អាចមានអ្នកញៀនថ្នាំ អ្នកប្រព្រឹត្តចោរកម្មនៅលាយឡំជាមួយមិនខាន ៕
ចែករំលែកព័តមាននេះ