មែនហើយថ្នាំផ្សះជាឱសថ ដែលអាចជួយសង្គ្រោះជីវិតមនុស្សយើងបាន ។ ប៉ុន្តែវាក៏អាចបង្កជាផលរំខានធ្ងន់បានដែរ ។ ខាងក្រោមនេះ គឺជារោគសញ្ញា ខ្លះៗ ដែលបញ្ជាក់ថា អ្នកកំពុងតែរងផលរំខានរបស់ថ្នាំផ្សះហើយ…
មែនហើយថ្នាំផ្សះជាឱសថ ដែលអាចជួយសង្គ្រោះជីវិតមនុស្សយើងបាន ។ ប៉ុន្តែវាក៏អាចបង្កជាផលរំខានធ្ងន់បានដែរ ។ ខាងក្រោមនេះ គឺជារោគសញ្ញា ខ្លះៗ ដែលបញ្ជាក់ថា អ្នកកំពុងតែរងផលរំខានរបស់ថ្នាំផ្សះហើយ ។
រាករូស
ថ្នាំផ្សះដូចជា Amoxicillin និង Metronidazole អាចនាំឲ្យមានការរាករូសធ្ងន់ដែលអាចសម្គាល់ដឹងតាមរយៈការរាកសុទ្ធតែទឹកញឹកញាប់ ហើយមានក្លិនស្អុយខ្លាំង ។
ឡើងអាស៊ីតក្រពះ និងផោម
ថ្នាំផ្សះដែលប្រើសម្រាប់សម្លាប់មេរោគគ្រប់ប្រភេទ ប្រហែលជាអាចបណ្តាលឲ្យឡើងអាស៊ីតក្រពះ និងរលាកក្រពះបាន ។ រឿងនេះច្រើនតែកើតឡើងដោយសារតែថ្នាំផ្សះនោះ ទៅសម្លាប់បាក់តេរី ល្អៗ ដែលពោះវៀនត្រូវការ ។
អាឡែកស៊ីស្បែក
ថ្នាំជាច្រើនដូចជា Sulpha Tetracycline អាចបណ្តាលឲ្យមានប្រតិកម្មលើស្បែក និងបង្កជាការរមាស់ និងឡើងកន្ទួលលើស្បែកដែរ ។ អ្វីដែលកម្រនោះវាក៏នាំឲ្យមានប្រតិកម្មធ្ងន់មួយ ឈ្មោះថា Stevens-Johnson Syndrome ដែលអាចសម្គាល់ដឹង តាមរយៈការរលាកស្បែកធ្ងន់ ។
ការបង្ករោគ ដោយមេរោគផ្សិតនៅទ្វារមាស
ការបង្ករោគបែបនេះ គឺជាផលរំខានញឹកញាប់មួយរបស់ថ្នាំផ្សះ ។ ថ្នាំខ្លះដូចជា Tetracycline និង Clindamycin សុទ្ធតែជំរុញឲ្យមានការលូតលាស់មេរោគផ្សិត តាមរយៈការធ្វើឲ្យមជ្ឈដ្ឋានអាស៊ីត ក្នុងទ្វារមាសស្ត្រីទៅជាខ្សោយជាងមុន ។
រលាកអណ្តាត
ថ្នាំផ្សះក៏អាចនាំឲ្យមានការបង្ករោគក្នុងមាត់ដែរនោះគឺការរលាកអណ្តាត ឬអាចដំបៅពងបែកក្នុងមាត់ និងប្រេះអណ្តាតផងដែរ ។
ខូចតម្រងនោម
ថ្នាំផ្សះពពួក Aminoglycosides មិនមានសុវត្ថិភាពទេសម្រាប់តម្រងនោម ហើយក៏អាចបណ្តាលឲ្យខូចតម្រងនោមបានដែរ ។ ដូច្នេះ យកល្អ គួរតែចៀសវាងថ្នាំទាំងនេះ បើសិនជាអ្នកកំពុងតែមានជំងឺតម្រងនោមរួច ៕
ចែករំលែកព័តមាននេះ