ថ្វីបើមានបុរសភាគច្រើនគិតថា ការរួមភេទរាល់ថ្ងៃ ឬរួមភេទពីរដងក្នុងមួយថ្ងៃ គឺជារឿងអស្ចារ្យបំផុតក៏ដោយ តែវាអាចនឹងធ្វើឲ្យមានផលវិបាកច្រើនទៅវិញដែរ ព្រោះថាវាអាចនឹងធ្វើឲ្យ ម្នាក់ៗ មានឱកាសបាត់បង់ចំណាប់អារម្មណ៍លើការរួមភេទជាមួយគ្នាទៀត ។
តើមែនទេ ?
ពិតណាស់ រឿងនេះមិនមែននិយាយចំពោះបុរសគ្រប់រូបឡើយ ។ ផ្ទុយទៅវិញបើសិនជាអ្នកមិនបានរួមភេទរយៈពេលច្រើនឆ្នាំ ហើយស្រាប់តែដល់ពេលចង់រាល់ថ្ងៃ អ្នកពិតជាសប្បាយចិត្តណាស់ហើយមើលទៅ ។ ប៉ុន្តែសម្រាប់មនុស្សភាគច្រើនដែលស្រឡាញ់គ្នា និងរៀបការជាប្តីប្រពន្ធរួចហើយនោះ ការរួមភេទច្រើនពេកអាចនឹងរំខានដល់ជីវិតស្នេហារបស់ពួកគេបាន ។
ដើម្បីអាចបញ្ជាក់ថា ជីវិតផ្លូវភេទមានភាពអស្ចារ្យ ឬអត់នោះ យកល្អគួរតែនិយាយដល់ចំនួនដងនៃការរួមភេទ និងថេរវេលានៃការអនុវត្តវា ម្តងៗសិន ។ មែនហើយ ពេលខ្លះការរួមភេទដែល លឿនៗអាចជារឿងអស្ចារ្យ ប៉ុន្តែករណីនេះ ភាគច្រើនគឺមិនមានការចូលរួមលើការប៉ះពាល់គ្រប់កន្លែងនៃរាងកាយឡើយ ហើយក៏ធ្វើឲ្យខាងស្រីមិនមានអារម្មណ៍ពេញចិត្តដែរ ។ និយាយឲ្យខ្លីទៅការដែលលឿនពេកតែងតែមិនអាចបំពេញគ្រប់ភារកិច្ចដែលត្រូវធ្វើឡើយ ។
បើសិនជាអ្នកចំណាយពេលតែពីរនាទីបញ្ចប់ការរួមភេទម្តងជារៀងរាល់ថ្ងៃ ឬពីរដងក្នុងមួយថ្ងៃ លទ្ធផលពិតជាមិនអាចប្រៀបបាននឹងការរួមភេទពីរទៅបីដងក្នុងមួយសប្តាហ៍ ដែល ម្តងៗយូរបំផុតប្រហែល៤៥នាទីឡើយ ។ រយៈពេលរួមភេទយូរបែបនេះ អាចនឹងមានការចូលរួមយ៉ាងល្អក្នុងការបបោសអង្អែលក្នុងពេលរួមភេទ ដែលភាគច្រើនជាតម្រូវការដ៏ខ្លាំងក្លាបំផុតសម្រាប់ស្ត្រីគ្រប់គ្នា ។
សម្រាប់ស្ត្រីវិញនាងតែងតែជ្រើសរើសយកការរួមភេទប្រកបដោយគុណភាព មិនមែនជាបរិមាណឡើយ ។ ដូច្នេះដំបូន្មានសម្រាប់បុរសគ្រប់គ្នាត្រូវដឹងនោះ គឺត្រូវយល់ថាការរួមភេទមិនមែនសម្រាប់តែការបាញ់ទឹកកាមចេញហើយគឺចប់ឡើយ ៕
ចែករំលែកព័តមាននេះ