ខេត្តក្រចេះ៖ នគរបាលស្រុកសំបូរ បានសម្រចចាប់ខ្លួនអ្នកកាសែតម្នាក់ពីបទជំរិតទារប្រាក់ និងបង្កហិង្សាដោយចេតនា ទៅតាមពាក្យបណ្តឹងរបស់ជនរងគ្រោះម្នាក់ ដែលបានចោទថាអ្នកកាសែតរូបនេះបានវាយមកលើរូបគេក្នុងទំនាស់ពាក្យសម្តី ពេលកាក់រថយន្តដឹកធ្យូងជំរិត ទារប្រាក់ចំនួន២ម៉ឺនរៀល និងប៉ុនប៉ងប្លន់យកធ្យូងចំនួន២បាវទៀតផង។ ជនសង្ស័យត្រូវបានកម្លាំងនគរបាលស្រុកសំបូរ…
ខេត្តក្រចេះ៖ នគរបាលស្រុកសំបូរ បានសម្រចចាប់ខ្លួនអ្នកកាសែតម្នាក់ពីបទជំរិតទារប្រាក់ និងបង្កហិង្សាដោយចេតនា ទៅតាមពាក្យបណ្តឹងរបស់ជនរងគ្រោះម្នាក់ ដែលបានចោទថាអ្នកកាសែតរូបនេះបានវាយមកលើរូបគេក្នុងទំនាស់ពាក្យសម្តី ពេលកាក់រថយន្តដឹកធ្យូងជំរិត ទារប្រាក់ចំនួន២ម៉ឺនរៀល និងប៉ុនប៉ងប្លន់យកធ្យូងចំនួន២បាវទៀតផង។ ជនសង្ស័យត្រូវបានកម្លាំងនគរបាលស្រុកសំបូរ ចាប់ខ្លួននេះឈ្មោះ សៅ ណាក់ អាយុ៣៦ឆ្នាំ មានមុខងារជាប្រធានសាខាខេត្តក្រចេះ របស់អង្គភាពសារព័ត៌មាន និងគេហទំព័រ ខ្មែរឥសាន្ត មានទីលំនៅក្នុងឃុំសំបុក ស្រុកចិត្របុរី ក្រៅពីនោះក៏មានរថយន្តកាមរីគូទហើម មួយគ្រឿង ទៀតដែលជនជាអ្នកកាសែតរូបនេះតែងតែជិះប្រព្រឹត្តសកម្មមិនគប្បីកន្លងមក។
ដើមចមដែលឈានឲ្យមានការចាប់ខ្លួនបុរសអ្នកកាសែតត្បាញអាយរូបនេះ គឺកើតមានឡើងនៅថ្ងៃទី៥ មករា បន្ទាប់ពីអ្នកកាសែតរូបនេះ បានប្រើប្រាស់អំណាចរបស់ខ្លួនជាប្រធានសាខាកាសែតដ៏ធំមួយ និងបានធ្វើសកម្មភាពកាក់រថយន្តកូរេដឹកធ្យូងមួយគ្រឿនៅលើផ្លូវជាតិលេខ៧ ក្នុងភូមិស្រែត្រែង ឃុំក្បាលដំរី ស្រុកសំបូរ និងបានជំរិតទារលុយ២ម៉ឺនរៀលជាថ្នូរ មិនប្តឹងរាយការណ៍ទៅសមត្ថកិច្ចដើម្បីចាប់ឃាត់រថយន្ត។ ជនរងគ្រោះដែលជាម្ចាស់រថយន្តកូរេឈ្មោះ ទី ឡុញ អាយុ២១ឆ្នាំ មានទីលំនៅស្រុកស្អាង ខេត្តកណ្តាល បានរងការវាយទះកំភ្លៀងជាច្រើនដៃពីជនដែដល់អ្នកកាសែតរូបនេះ បណ្តាលឲ្យរងរបួសលើផ្ទៃមុខ។
ជាមួយនឹងហេតុការណ៍នេះ ជនរងគ្រោះបានប្តឹងមកនគរបាលថា បន្ទាប់ពីជនដៃដល់អ្នកកាសែតរូបនេះ បានបើករថយន្តមកកាក់ និងជំរិតទាលុយពីរូបគេចំនួន២ម៉ឺនរៀល តែរូបគេមិនព្រមឲ្យក៏កើតជាទំនាស់ពាក្យសម្តី ហើយជនដៃដល់ជាអ្នក កាសែតរូបនេះ បានចាប់អូសបាវធ្យូងចំនួន២បាវបម្រុងយក ប្រសិនបើមិនឲ្យលុយដូចតាមការ កំណត់ និងបានស្ទុះមកទះកំភ្លៀងលើបុរសរងគ្រោះជាម្ចាស់រថយន្តជាច្រើនដៃ បណ្តាលឲ្យ រងរបួសយ៉ាងដំណំ។ ជុំវិញហេតុការណ៍នេះ អធិការរងទទួលកិច្ចការព្រហ្មទណ្ឌស្រុកសំបូរ លោកវរសេនីយ៍ត្រី នួន សារិន បានបញ្ជាក់ប្រាប់ថា នគរបាលបានចាប់ខ្លួនអ្នកកាសែតរូបនេះមកធ្វើការសាក សួរនៅអធិការដ្ឋាននគរបាលស្រុកដើម្បីបន្តចំណាត់ការ៕
ចែករំលែកព័តមាននេះ