ក្រោយពីមានពាក្យចចាមអារ៉ាមថា ក្រសួងការពារជាតិសហរដ្ឋអាមេរិករៀបគម្រោងសម្ងាត់មួយស្រាវជ្រាវទាក់ទិននឹងមនុស្សពិភពផ្កាយ និងតាមរុករកUFO ប៉ុន្តែជាចុងក្រោយនេះ ក្រសួងបញ្ជាក់ថា ដំណឹងចចាមអារ៉ាមនោះក្លាយជាការណ៍ពិត គឺជាគម្រោងសម្ងាត់ និងចំណាយប្រាក់ដ៏មហាសាល ។ «BBC»កាលពីថ្ងៃទី១៧…
ក្រោយពីមានពាក្យចចាមអារ៉ាមថា ក្រសួងការពារជាតិសហរដ្ឋអាមេរិករៀបគម្រោងសម្ងាត់មួយស្រាវជ្រាវទាក់ទិននឹងមនុស្សពិភពផ្កាយ និងតាមរុករកUFO ប៉ុន្តែជាចុងក្រោយនេះ ក្រសួងបញ្ជាក់ថា ដំណឹងចចាមអារ៉ាមនោះក្លាយជាការណ៍ពិត គឺជាគម្រោងសម្ងាត់ និងចំណាយប្រាក់ដ៏មហាសាល ។
«BBC»កាលពីថ្ងៃទី១៧ ធ្នូ ២០១៧ បញ្ជាក់ថា គម្រោងការនោះមានឈ្មោះ«The Advanced Aerospace Threat Identification Programme»បង្កើតឡើងដោយលោកហែរី រីដ អតីតព្រឹទ្ធសភាពីគណបក្សប្រជាធិបតេយ្យ ។ វាជាគម្រោងការដ៏តូចមួយបានប្រតិបត្តិនៅឆ្នាំ២០០៧ ។
ក្រោយពីដំណើរការអស់រយៈពេល៥ឆ្នាំបានចំណាយប្រាក់លើការស្រាវជ្រាវប្រហែល២០លានដុល្លារ ។ អ្នកវិទ្យាសាស្ត្រយល់ច្បាស់ថា បាតុភូតចម្លែកនានាដែលមិនអាចផ្តល់ការវិភាគបានវាមិនមែនជាបទពិសោធន៍ថា មនុស្សពិភពផ្កាយមានពិតទេ គម្រោងការត្រូវផ្អឹបចោលដើម្បីកុំឱ្យមានការចំណាយប្រាក់ច្រើនជាងនេះ ។
លោកហែរី រីដ ថ្លែងថា«បច្ចុប្បន្នយើងនៅមិនទាន់ដឹងការណ៍ពិត ប៉ុន្តែមានវត្ថុតាងនានាយ៉ាងច្រើន វាជារឿងនៃវិទ្យាសាស្ត្រ និងសន្តិសុខជាតិ ប្រសិនបើអាមេរិក មិនបានក្លាយជាអ្នកដឹកនាំលើការស្រាវជ្រាវរឿងនេះ ប្រទេសផ្សេងក៏ចេញមុខប្រតិបត្តិជំនួស។
គម្រោងការនោះធាតុពិតមិនបានបង្កើតឡើងដើម្បីរុករកមនុស្សពិភពផ្កាយទេ ប៉ុន្តែអាចកើតមានឡើងដើម្បីឃ្លាំមើលពីបច្ចេកវិទ្យារបស់ប្រទេសមហាអំណាចជាគូប្រជែងរបស់អាមេរិករួមមានរុស្ស៊ី និងចិនជាដើម» ៕
ចែករំលែកព័តមាននេះ