ទីក្រុងហុងកុង ៖ ភាគហ៊ុនអាស៊ីនៅតែបន្តកើនឡើងជាវិជ្ជមានរហូតមកដល់ពេលនេះ ខណៈពេលដែលប្រាក់ដុល្លារកំពុងស្ថិតនៅក្នុងសម្ពាធមិនល្អ ។ ក្រុមអ្នកវិភាគបានព្រមានថា ទីផ្សារសកលអាចប្រឈមនឹងភាពមិនល្អ ដោយសារតែការកាត់បន្ថយពន្ធរបស់លោកប្រធានាធិបតីអាមេរិក Donald Trump…
ទីក្រុងហុងកុង ៖ ភាគហ៊ុនអាស៊ីនៅតែបន្តកើនឡើងជាវិជ្ជមានរហូតមកដល់ពេលនេះ ខណៈពេលដែលប្រាក់ដុល្លារកំពុងស្ថិតនៅក្នុងសម្ពាធមិនល្អ ។
ក្រុមអ្នកវិភាគបានព្រមានថា ទីផ្សារសកលអាចប្រឈមនឹងភាពមិនល្អ ដោយសារតែការកាត់បន្ថយពន្ធរបស់លោកប្រធានាធិបតីអាមេរិក Donald Trump ។
ទីផ្សារភាគហ៊ុននៅក្រុងហុងកុងបានកើនឡើង០,២% ខណៈពេលដែលទីក្រុងសៀងហៃឡើងបាន០,៦%។ ចំណែកនៅទីក្រុងស៊ីដនី ប្រទេសអូស្ត្រាលីវិញ បានកើនឡើង០,២% និងសិង្ហបុរីបានកើនឡើង១% ។ ដោយឡែក ទីផ្សារភាគហ៊ុននៅទីក្រុងសេអ៊ូលបានកើនឡើង០,៣% ដោយវិនិយោគិនជាច្រើនរីករាយនឹងការបន្ធូរបន្ថយសម្ពាធតានតឹងរវាងកូរ៉េខាងជើង និងខាងត្បូង ។
ទីក្រុងWellingtonប្រទេសនូវែលសេ-ឡង់ មានកំណើន០,៣% ហើយតៃប៉ិបានកើនឡើង ០,៩% ។ សម្រាប់ទីផ្សាររបស់ Tokyoវិញ ត្រូវបានបិទនៅថ្ងៃឈប់សម្រាក ។
សម្រាប់ក្រុមហ៊ុនបច្ចេកវិទ្យាធំៗនៅអាស៊ីវិញ ក៏មានការភាគហ៊ុនកើនឡើងដែរ ដោយក្រុមហ៊ុនAAC Technologies បានកើនឡើង១,៨% នៅទីក្រុងហុងកុង ខណៈក្រុមហ៊ុនTencent បានកើនឡើង១,១%។ ភាគហ៊ុនក្រុមហ៊ុន Samsung បានកើនឡើងច្រើនជាង១%នៅក្នុងទីក្រុងសេអ៊ូល ៕
ចែករំលែកព័តមាននេះ