ខេត្តក្រចេះ ៖ បុរសមេការជនជាតិចិនផ្នែកគ្រឿងចក្រម្នាក់បានស្លាប់បាត់បង់ជីវិតក្នុងការ ដ្ឋានកិនថ្មមួយកន្លែងក្នុងស្រុកចិត្របុរី ខណៈដែលជនរងគ្រោះបានជួបហេតុការណ៍ត្រាក់ទ័រ បើកថយក្រោយកិនចំពីលើ ។ ហេតុការណ៍មួយនេះត្រូវបាននគរបាលស្រុកចិត្របុរីឲ្យដឹងថា បានកើតឡើងនៅព្រឹក ថ្ងៃទី០៤…
ខេត្តក្រចេះ ៖ បុរសមេការជនជាតិចិនផ្នែកគ្រឿងចក្រម្នាក់បានស្លាប់បាត់បង់ជីវិតក្នុងការ ដ្ឋានកិនថ្មមួយកន្លែងក្នុងស្រុកចិត្របុរី ខណៈដែលជនរងគ្រោះបានជួបហេតុការណ៍ត្រាក់ទ័រ បើកថយក្រោយកិនចំពីលើ ។ ហេតុការណ៍មួយនេះត្រូវបាននគរបាលស្រុកចិត្របុរីឲ្យដឹងថា បានកើតឡើងនៅព្រឹក ថ្ងៃទី០៤ ខែមករា ឆ្នាំ២០១៨ នៅក្នុងការដ្ឋានកិនថ្មមួយកន្លែង ស្ថិតក្នុងស្រុកចិត្របុរី ដោយបុរសជនជាតិចិនដែលបានស្លាប់ម្នាក់នេះ មានអាយុ៤៨ឆ្នាំមានមុខងាជាមេការគ្រឿងចក្រ និងជាជាងជួសជុលនៅក្នុងក្រុមហ៊ុនចិនកិនថ្មមួយកន្លែងនេះ ។
បើតាមអធិការនគរបាលស្រុកចិត្របុរីលោកវរសេនីយ៍ឯក យ៉ាន់ ហៀង បានឲ្យដឹងថា ពេលកើតហេតុគឺបុរសជនជាតិចិនរូបនេះមកឈរពីក្រោយត្រាក់ទ័រចូកថ្ម ។ ហើយដោយ សារពេលនោះមានខ្យល់ និងដីហុយខ្លាំងបានធ្វើឲ្យអ្នកបើកបរគ្រឿងចក្រមើលមិនឃើញ និង បានបើកថយក្រោយកិនបុរសជនជាតិចិនរូបនេះពីលើបណ្តាលឲ្យស្លាប់ ។
ជាមួយនឹងហេតុ ការណ៍នេះអ្នកបើកបរនៅតែមិនបានដឹងថា បានបើកត្រាក់ទ័រកិនមេការចិនស្លាប់នោះទេគឺ នៅតែបើកគ្រឿងចក្រលើកថ្មចាក់ចូលម៉ាស៊ីនកិនដដែល ។ លុះនៅពេលដែលមានកម្មករខ្មែរ ម្នាក់ផ្សេងទៀតបានមករកមេការចិនរូបនេះឲ្យទៅមើលម៉ាស៊ីនគ្រឿងចក្រខូចក៏បានឃើញបុរស រងគ្រោះជាមេការចិនរូបនេះដេកស្លាប់ក្នុងថ្លុកឈាមជាមួយនឹងផេះថ្មស្ទើរមើលមិនយល់ទើបបង្កឲ្យមានការភ្ញាក់ផ្អើល ។
នគរបាលជំនាញបច្ចកេទេសបានបញ្ជាក់ថា ការស្លាប់របស់បុរសជនជាតិចិននេះ គឺពិតជាបណ្តាលមកពីរថយន្តកិនពីលើ ។ លោកអធិការថា ករណីនេះ ជាឧប្បត្តិហេតុមួយដែលនឹកស្មានមិនដល់ហើយនគរបាល ក៏មិនបានស្រាវជ្រាវតាមចាប់ខ្លួនអ្នកបើកបរជាកម្មករខែ្មរនោះដែរ ៕
ចែករំលែកព័តមាននេះ