រាជធានីភ្នំពេញ ៖ តារាចម្រៀងលោកណាំ ប៊ុណ្ណារ័ត្ន បាត់មុខពីពិភពសិល្បៈជិត២ឆ្នាំប៉ះពាល់ខ្លាំងដល់ការសាងភាពលេចធ្លោ ។ លោកត្រូវគេដឹងថា ងាកទៅបើកហាងមួយ ព្រមទាំងបំពេញការងារជាមន្ត្រីរាជការប្រចាំក្រសួងវប្បធម៌ ទទួលបន្ទុកផ្នែកសម្រួលបទភ្លេង…
រាជធានីភ្នំពេញ ៖ តារាចម្រៀងលោកណាំ ប៊ុណ្ណារ័ត្ន បាត់មុខពីពិភពសិល្បៈជិត២ឆ្នាំប៉ះពាល់ខ្លាំងដល់ការសាងភាពលេចធ្លោ ។ លោកត្រូវគេដឹងថា ងាកទៅបើកហាងមួយ ព្រមទាំងបំពេញការងារជាមន្ត្រីរាជការប្រចាំក្រសួងវប្បធម៌ ទទួលបន្ទុកផ្នែកសម្រួលបទភ្លេង ។ ដោយសារតែនឹករលឹកទស្សនិកជន លោកនឹងចូលពិភពសិល្បៈវិញ ។
លោកណាំ ប៊ុណ្ណារ័ត្ន បានថ្លែងបែបនេះនាឱកាសចូលរួមពិធីសម្ពោធសាខា«ឆបហ៍ឆា»ថ្មីនៅបឹងកេងកង ជាការចូលរួមអបអរមិត្តភក្តិបើកជំនួញ ។ លោកនិយាយថា«ខ្ញុំបានបើកហាង«ឆបហ៍ឆា»នៅទួលសង្កែ ហើយជួបយុវវ័យគាំទ្របរិយាកាសប្លែក ទើបខ្ញុំដូចជាសប្បាយជក់អារម្មណ៍នឹងមុខជំនួញត្រូវចិត្តយុវវ័យនេះ ។
ការណ៍ពិតមិនដែលនៅឆ្ងាយពីសិល្បៈឡើយ គឺនៅធ្វើជាអ្នកនិពន្ធបទភ្លេងប្រចាំក្រសួងវប្បធម៌ដោយមានក្របខណ្ឌរដ្ឋ ពោលជាមន្ត្រីរាជការ។ ម្ល៉ោះហើយទើបត្រូវខំនិពន្ឋបទចម្រៀង និងបទភ្លេងបែបណាឱ្យសមកិត្តិយសជាមួយជាតិយើងទើបត្រូវឆ្ងាយសិល្បៈ២ឆ្នាំ » ។
ក្នុងពិធីបើកសម្ពោធហាងកាហ្វេយីហោ «ឆបហ៍ឆា»នៅទល់មុខសាលាបញ្ញាសាស្ត្រជិតផ្សារបឹងកេងកង របស់លោកសុខ អាងខូលីន រួមជាមួយនឹងអ្នកស្រីញឹក ពៅ និងលោកសៀង ហុក កាលពីថ្ងៃទី១ មករា ឆ្នាំ២០១៨ លោកណាំ ប៊ុណ្ណារ័ត្ន អះអាងថា បើទោះជាលោកកាន់តែជោគជ័យនឹងមុខបើកជំនួញបើកហាងកាហ្វេឆបហ៍ឆានាពេលនេះ ក៏លោកនៅតែដាក់ផែនការវិលរកអាជីពចម្រៀងមិនបោះបង់ទេ បើទោះជាមុខជំនួញអាចឱ្យលោកមានចំណូលរឹងមាំដោយលែងពឹងលើអាជីពសិល្បៈក្តី ។
លោកថា ការចេញបទចម្រៀងឯករាជ្យ គឺមិនមែនជារឿងលំបាកនោះទេ ដោយសារតែលោកគឺជាអ្នកផលិតបទ Original Song ដោយខ្លួនឯងស្រាប់ លក់ឱ្យផលិតកម្មមួយចំនួន និងតារាចម្រៀងមួយចំនួន ប៉ុន្តែមកពីលោកមិនចង់ចេញបទដោយគ្មានផលិតកម្មនៅពីលើ ទើបលោកមិនខ្វល់ផលិតបទផ្ទាល់ខ្លួន ។
លោកណាំ ប៊ុណ្ណារ័ត្ន បន្តថាលោកនៅចង់ពង្រឹងមុខជំនួញហាងកាហ្វេឆបហ៍ឆា ដែលកាក់កបកើបចំណូលឱ្យរឹងមាំសិន ដោយលោកគម្រោងនឹងបើកសាខាថ្មីបន្ថែមទៀត ដើម្បីឱ្យចំណូលនៅពីក្រោយសិល្បៈរឹងមាំ ។
លោកសួម វីរ៉ាដេត ម្ចាស់យីហោឆបហ៍ឆាប្រចាំនៅកម្ពុជាបានអះអាងថា លោកណាំ ប៊ុណ្ណារ័ត្ន មិនមែនជាតារាសិល្បៈតែម្នាក់ដែលបានបើកជំនួញនេះទេ ដោយអ្នកនិពន្ធ និងជាអ្នកដឹកនាំសម្ដែងល្បីឈ្មោះរបស់ថោន គឺលោក Rith Omega ក៏បើកជំនួញនេះដែរនៅខេត្តបាត់ដំបង ។ មិនយូរទៀតទេនឹងមានអ្នកសិល្បៈមួយចំនួនផ្សេងទៀតនឹងបើកជំនួញឆបហ៍ឆា ដែរ ៕
ចែករំលែកព័តមាននេះ