កង់រថយន្តហើម គឺជារឿងខុសប្រក្រតីមួយដែលយើងមិនគួរបណ្តោយវាទេ ព្រោះវាអាចក្លាយជារឿងធំ រហូតដល់អាចកើតគ្រោះថ្នាក់ បាន បើវាហើមខ្លាំង គឺអាចធ្វើឲ្យអ្នកបើកបរជួបគ្រោះថ្នាក់រហូតបាត់បង់ជីវិតផងដែរ ។
ជាការពិត កង់រថយន្តហើមអាចកើតឡើងដោយសារសម្បកកង់កៅស៊ូ ដែលយើងឃើញវាហើមជាញឹកញាប់ គឺស្ថិតនៅត្រង់សម្បកកង់នេះ ។ បន្ទាប់មក នឹងមានស្រទាប់លោហៈមួយចំនួន ហើយមានភាពបត់បែនខ្លាំងបំផុតជាងផ្នែកដទៃទៀត ។
មូលហេតុសំខាន់ដែលធ្វើឲ្យកង់រថយន្តហើម កើតឡើងដោយសារចំណុចខាងក្រោមនេះ ៖
១-ធ្លាក់ជង្ហុក ខណៈពេលបើកបរលឿនខ្លាំង
២-សប់សម្បកកង់តឹងខ្លាំងពេក
៣-សប់សម្បកកង់ធូរខ្លាំងពេក
៤-សម្បកកង់គ្មានគុណភាព និងខូចទ្រង់ទ្រាយ ។
មនុស្សខ្លះអាចមិនយល់ពីការហើមសម្បកដោយសារការធ្លាក់ជង្ហុក គឺបែបណាទេ ព្រោះបច្ចុប្បន្ននេះ ពួកគេបើករថយន្តធ្លាក់ជង្ហុកជាញឹកញាប់ ។ ការពិត ការបើកបរធ្លាក់ជង្ហុកខ្លាំងបំផុតនោះ នឹងធ្វើឲ្យផ្នែកខាងក្នុងនៃរថយន្តរងការខូចខាត និងកើតការកំពិតរមួលបាន ។ ប៉ុន្តែបើការធ្លាក់ជង្ហុកធម្មតា កង់រថយន្តនីមួយៗបានផលិតចេញមកមានភាពធន់យូរអង្វែងក្នុងកម្រិតមួយ និងរឹងមាំតាមមាត្រដ្ឋាន ។ ដូច្នេះ យើងមិនចាំបាច់ខ្វល់ពេកទេ បើត្រូវបើកបររថយន្តឆ្លងកាត់ជង្ហុកជាញឹកញាប់នោះ ។
បើកង់រថយន្តរបស់អ្នកកើតការហើមចេញមក អ្នកគួរតែប្រញាប់ប្តូរវាចេញភ្លាម កុំបង្ខំបើកបរវាបន្តទៅទៀត ព្រោះរថយន្តរបស់អ្នកនឹងគ្រវីទៅមក ហើយចុងក្រោយ អាចធ្វើឲ្យកង់រថយន្តនោះផ្ទុះឡើង និងមានគ្រោះថ្នាក់បាន ៕
ចែករំលែកព័តមាននេះ