ខេត្តស្វាយរៀង ៖ រថយន្តដឹកកម្មករ-កម្មការិនីបែកកង់ក្រឡាប់ផ្ងារជើងចាក់មនុស្សចោល ក្នុងទឹកស្រះ បណ្តាលឲ្យរងរបួសធ្ងន់២នាក់ ស្រាលចំនួន២២នាក់ កាលពីវេលាម៉ោង៦និង៤០នាទីព្រឹកថ្ងៃទី០៣ ខែមករា ឆ្នាំ២០១៨ នៅចំណុចខាងជើងវត្តថ្នាញ ស្ថិតនៅភូមិថ្នាញ សង្កាត់ បាទី ក្រុងបាវិត ។
បើតាមកម្មករ-កម្មការនីដែលនៅក្នុងហេតុការណ៍គ្រោះថ្នាក់ចរាចរណ៍នោះបានឲ្យដឹងថា មុនពេលកើតហេតុរថយន្ត ស្លាកលេខស្វាយរៀង៣A-៣៥៥២ បានបើកមកពីស្រុកចន្ទ្រា ប្រមូលកម្មករ-កម្មការិនីទៅធ្វើការនៅរោចក្រក្រុងបាវិត លុះមកដល់ចំណុចកើតហេតុខាងលើ ស្រាប់តែបែកកង់មុខខាងស្តាំលាន់ដូចរន្ទះបាញ់ដោយរថយន្តកំពុងមានល្បឿនលឿនក៏រេចង្កូតក្រឡាប់ផ្ងារជើងចាក់មនុស្សចោលចូលទៅក្នុងទឹកស្រះធ្វើឲ្យកម្មករ-កម្មការិនីប្រមាណ២៤នាក់ នៅលើរថយន្តភ័យស្លន់ស្លោស្ទើរលោះព្រលឹង និងអ្នកខ្លះលោតចុះពីរលើរថយន្ត បណ្តាលឲ្យរងរបួសធ្ងន់២នាក់ និង២២នាក់ផ្សេងទៀតគ្រាន់តែរបួសស្រាលៗរលាត់ដៃជើងបន្តិចបន្តួចប៉ុណ្ណោះ ដោយសារក្រឡាប់ចូលក្នុងទឹក ។
បើតាមសមត្ថកិច្ចនគបាលប៉ុស្តិ៍រដ្ឋបាលសង្កាត់បាទីបានឲ្យដឹងថា ករណីរថយន្តដឹកកម្មករក្រឡាប់នេះមូលហេតុសំបកកង់រថយន្តចាស់អស់ក្រឡា និងបើកបរលឿនខ្វះការប្រុងប្រយ័ត្ន ។ ក្រោយមកសមត្ថកិច្ចបានហៅរថយន្តសាមុយដឹកជនរងគ្រោះទាំង២នាក់ ទៅមន្ទីរបង្អែកជីភូដើម្បីសង្គ្រោះ រីឯរថយន្តសមត្ថកិច្ចស្ទូចឡើងយកទៅរក្សាទុកនៅអធិការដ្ឋាននគបាលក្រុងបាវិតេះ ដើម្បីដោះស្រាយតាមនីតិវិធី ៕
ចែករំលែកព័តមាននេះ