យោងទៅតាមសេចក្តីរាយការណ៍របស់សារព័ត៌មានឲ្យដឹងថា មូលហេតុដែលធ្វើឲ្យអាហារកៃច្នៃបង្កជំងឺមហារីកពោះវៀន ដោយសារតែជាតិញៀនរបស់វាធ្វើឲ្យផ្លាស់ប្តូរដល់បាក់តេរីក្នុងពោះវៀន និងនាំឲ្យដុំសាច់មហារីកលូតលាស់បាន ។ រឿងនេះធ្វើឡើងក្រោយពីការសិក្សាមួយទៅលើសត្វកណ្តុរ ដែលស្រាវជ្រាវចង់ដឹងថា តើជាតិញៀនក្នុងអាហារកៃច្នៃ ឬហៅថាសារធាតុមេ ធ្វើឲ្យមានការរលាកដល់ពោះវៀន…
យោងទៅតាមសេចក្តីរាយការណ៍របស់សារព័ត៌មានឲ្យដឹងថា មូលហេតុដែលធ្វើឲ្យអាហារកៃច្នៃបង្កជំងឺមហារីកពោះវៀន ដោយសារតែជាតិញៀនរបស់វាធ្វើឲ្យផ្លាស់ប្តូរដល់បាក់តេរីក្នុងពោះវៀន និងនាំឲ្យដុំសាច់មហារីកលូតលាស់បាន ។ រឿងនេះធ្វើឡើងក្រោយពីការសិក្សាមួយទៅលើសត្វកណ្តុរ ដែលស្រាវជ្រាវចង់ដឹងថា តើជាតិញៀនក្នុងអាហារកៃច្នៃ ឬហៅថាសារធាតុមេ ធ្វើឲ្យមានការរលាកដល់ពោះវៀន ដែលនាំឲ្យកើតជាមហារីកពោះវៀន ឬអត់ ។
អ្នកស្រាវជ្រាវបានបែងចែកកណ្តុរទៅជាបីក្រុម ដោយពីក្រុមឲ្យស៊ីអាហារមានជាតិមេ Sodium Caroxymethycellulose (CMC) និង Polysorbate 80 (P80) និងក្រុមទីបីផឹកតែទឹកទេ ។ ពួកគេក៏បានឲ្យកណ្តុរស៊ីជាតិពុលដើម្បីបង្កជាការរលាក និងមហារីកផងដែរ។
សរុបមកពួកគេបានរកឃើញថា ដុំសាច់មហារីកច្រើន និងកាន់តែធំ គឺកើតឡើងក្នុងកណ្តុរដែលស៊ីសារធាតុមេ ព្រោះវាធ្វើឲ្យមានការប្រែប្រួលការរលាកមួយចំនួន ។ គេបាននិយាយទៀតថា ហេតុផលអាចដោយសារតែសារធាតុមួយនេះធ្វើឲ្យផ្លាស់ប្តូរដល់តុល្យភាពរបស់បាក់តេរីក្នុងពោះវៀន បង្កើតបានជាបរិស្ថានអំណោយផលដល់ការលូតលាស់មហារីកតែម្តង ។
ប៉ុន្តែខណៈពេលដែលការរកឃើញមួយនេះអាចជារឿងត្រូវខ្វល់ខ្វាយ តែវាអាចជារឿងមួយលឿនពេកដែលនិយាយថា អាចប្រើប្រាស់លទ្ធផលនេះទៅលើមនុស្សបាន ។ ការរកឃើញនូវលើការសិក្សាចំពោះសត្វមិនអាចបញ្ជាក់ថា វានឹងកើតឡើងលើមនុស្សឡើយ ។ សត្វកណ្តុរក៏ត្រូវបានផ្តល់ឲ្យស៊ីសារធាតុមេក្នុងកម្រិតមួយខ្ពស់ជាងមនុស្សទទួលទានដែរ ទើបបង្កជាការរលាក និងមហារីក ។
វាត្រូវបានគេដឹងច្បាស់ថា មហារីកពោះវៀនមានជាប់ទាក់ទងនឹងកម្រិតដ៏ស្ពស់នៃជាតិខ្លាញ់ក្នុងរាងកាយ និងការញ៉ាំសាច់កែច្នៃច្រើន ប៉ុន្តែការទាក់ទងជាមួយនឹងសារធាតុមេធ្វើជាអាហារកែច្នៃនេះ ត្រូវតែមានការសិក្សាស្រាវជ្រាវកាន់តែច្រើនបន្ថែមទៀត ៕
ចែករំលែកព័តមាននេះ