រាជធានីភ្នំពេញ៖ លោកឃុំ ប៉ុណ្ណាដែត បានឃ្លាតពីវេទិកាសិល្បៈយូរមកហើយ ។ សម្រាប់ឆ្នាំថ្មី២០១៨នេះលោកដែត និងភរិយា អ្នកនាងយក់ ឋិតរដ្ឋា មានឱកាសសម្តែងរួមគ្នាឱ្យផលិតកម្មល្បីមួយ…
រាជធានីភ្នំពេញ៖ លោកឃុំ ប៉ុណ្ណាដែត បានឃ្លាតពីវេទិកាសិល្បៈយូរមកហើយ ។ សម្រាប់ឆ្នាំថ្មី២០១៨នេះលោកដែត និងភរិយា អ្នកនាងយក់ ឋិតរដ្ឋា មានឱកាសសម្តែងរួមគ្នាឱ្យផលិតកម្មល្បីមួយ ។
លោកឃុំ ប៉ុណ្ណាដែត ឱ្យដឹងកាលពីពេល ថ្មីៗកន្លងមកថា លោកសម្រេចចិត្តចូលរួមសម្តែងឱ្យផលិតកម្មអិលឌីភាពយន្តជាមួយភរិយារបស់លោកយក់ ឋិតរដ្ឋា ដោយសារផលិតកម្មពេញចិត្ត ប៉ុន្តែចំណងជើងរឿងមិនទាន់ដឹងទេ ។ នេះជារឿងទី៥ ក្រោយពេលលោក និងភរិយាចូលពិភពសិល្បៈ ។
មានភាពទាក់ទាញយ៉ាងណាក្រោយពេលសម្តែងជាថ្មីនេះ មិនអាចស្មានបានទេ ប៉ុន្តែលោកឃុំ ប៉ុណ្ណាដែត ថាយុវវ័យសុទ្ធតែមានបំណងចង់ឱ្យលោកសម្តែងឡើងវិញ ។
«ដូចនេះមានតែបំពេញតាមសំណូមពរយុវជនដែលនៅគាំទ្រ ស្រឡាញ់ពួកយើង ត្រូវតែមានចំណីអារម្មណ៍ថ្មីជាកាដូជូន ។ បើនិយាយពីការច្រៀងវិញស្ថិតក្នុងការពិចារណា បើខ្ញុំលៃលកពេលបាននោះអាចថាច្រៀងវិញ បើពេលនេះគឺរវល់ការងារពេក ។ ខ្ញុំចង់ឱ្យភរិយាគាត់មានការទាក់ទាញសិល្បៈផ្នែកចម្រៀងឱ្យល្បីជាងនេះព្រោះចូលមកផលិតកម្មថោនឃើញថាចម្រៀងរបស់គាត់ផ្ទុះច្រើនពីអ្នកស្តាប់» ។
អ្នកនាងយក់ ឋិតរដ្ឋា រីករាយដែលផលិតកម្មអិលឌីពេញចិត្តឱ្យស្វាមី និងរូបនាងសម្តែងភាពយន្ត ។ «យើងធ្វើនេះដើម្បីបំពេញចិត្តអ្នកគាំទ្រ ហើយក៏រំពឹងថា ទាក់ទាញព្រោះជាង១០ឆ្នាំហើយដែលយើងទាំងពីរខកខានសម្តែងកុន គិតថាពិតជាអស្ចារ្យដែរ ។
តារាចម្រៀងប្រចាំផលិតកម្មថោនអ្នកនាង យក់ ឋិតរដ្ឋា បានចូលប្រឡូកក្នុងវិស័យសិល្បៈអស់ពេលជាយូរឆ្នាំមកហើយ ។ នាងបានរៀបការជាមួយនឹងលោកឃុំ ប៉ុណ្ណាដែត ជាដៃគូសិល្បៈជាមួយគ្នា ៕
ចែករំលែកព័តមាននេះ