ក្រុមម្ចាស់ផ្ទះ Arsenal នៅតែមិនទាន់អាចបង្ហាញភាពខ្លាំងរបស់ខ្លួនបានសម្រាប់រដូវកាលនេះ បន្ទាប់ពីប្រកួតចុងក្រោយប៉ះក្រុមបាតតារាង West Brom ពួកគេបានត្រឹមទទួលលទ្ធផលស្មើ១-១ប៉ុណ្ណោះ ។ ដូច្នេះការស្វាគមន៍ក្រុម Chelseaនៅជុំទី២២នេះ…
ក្រុមម្ចាស់ផ្ទះ Arsenal នៅតែមិនទាន់អាចបង្ហាញភាពខ្លាំងរបស់ខ្លួនបានសម្រាប់រដូវកាលនេះ បន្ទាប់ពីប្រកួតចុងក្រោយប៉ះក្រុមបាតតារាង West Brom ពួកគេបានត្រឹមទទួលលទ្ធផលស្មើ១-១ប៉ុណ្ណោះ ។
ដូច្នេះការស្វាគមន៍ក្រុម Chelseaនៅជុំទី២២នេះ ពួកគេមានជំនឿស្តួចស្តើងណាស់ ក្នុងការរក្សាតំណែងចំណាត់ថ្នាក់លេខ៥របស់ខ្លួន ខណៈក្រុមលេខ៦ Tottenham ចាញ់តែ១ពិន្ទុ ។ យ៉ាងណាមិញ ប្រវត្តិប្រកួតក្នុងដីរបស់ក្លិបកាំភ្លើងធំនាពេលកន្លងមក ពួកគេតែងតែអាចរកគ្រាប់បាល់បានជានិច្ច បើទោះជាប្រឈមនឹងក្រុមខ្លាំង ។ ចំពោះស្ថានភាពកូនក្រុមវិញ Arsenal នឹងបង្ហាញខ្លួនដោយអវត្តមានកីឡាករសំខាន់ពីររូបក្នុងនោះមាន Olivier Giroud និង Aaron Ramsey ។
រីឯក្រុមភ្ញៀវ Chelsea ដែលកំពុងតែស្រេកឃ្លានជ័យជម្នះ ដើម្បីដណ្តើមកៅអីលេខ២ពីក្រុម Man Utd ហាក់មានទំនុកចិត្តខ្ពស់ថានឹងអាចយក៣ពិន្ទុបានពី Arsenal ។ កំណត់ត្រារបស់ក្លិបតោខៀវក្នុងការប្រកួតក្រៅទឹកដីបានឱ្យដឹងថា ពួកគេមានឱកាសអាចរកគ្រាប់បាល់បានចំនួន ៨០% ។ ម្យ៉ាងទៀត ការធ្វើដំណើរទៅកីឡដ្ឋាន Emirates Stadium របស់ក្លិប Arsenal នៅរាត្រីនេះ ពួកគេមិនមានកីឡាករសំខាន់រូបណាខកខាននោះទេ លើកលែងតែកីឡាករ Charly Musonda និង David Luis ដែលកំពុងសម្រាកព្យាបាលរបួស ។
ជំនួបរវាងក្រុមខ្លាំងទាំងពីរ ភាគរយនៃលទ្ធផលស្មើគ្នាមានច្រើន ប៉ុន្តែក្រុមភ្ញៀវ Chelsea
អាចនឹងមានឱកាសយកឈ្នះលើក្រុមកាំភ្លើងធំ ប្រសិនបើក្រុមរបស់លោក Antonio Conte រក្សាទម្រង់លេងដ៏ល្អរបស់ខ្លួននៅដដែល ។
បាល់ទាត់អង់គ្លេសប្រឺមីញេលីគ សប្តាហ៍ទី២២ នារាត្រីថ្ងៃពុធនេះ មាន១ប្រកួត។ កាំភ្លើងធំ Arsenal អាចបាញ់បំបែកហ្វូងតោខៀវ Chelsea បានដែរទេ នៅយប់នេះ?
ចែករំលែកព័តមាននេះ