ខេត្តបន្ទាយមានជ័យ ៖ ដើម្បីពង្រឹង និងរក្សាបាននូវសន្តិសុខសណ្តាប់ធ្នាប់ និងសុវត្ថិភាពក្នុងមូលដ្ឋានភូមិ សង្កាត់ ក្នុងក្រុងសិរីសោភ័ណឲ្យមានភាពរឹងមាំដោយមិនឲ្យក្លាយជាភូមិខ្មៅ ប្រផេះ លឿង គឺឲ្យសរហូតនោះ…
ខេត្តបន្ទាយមានជ័យ ៖ ដើម្បីពង្រឹង និងរក្សាបាននូវសន្តិសុខសណ្តាប់ធ្នាប់ និងសុវត្ថិភាពក្នុងមូលដ្ឋានភូមិ សង្កាត់ ក្នុងក្រុងសិរីសោភ័ណឲ្យមានភាពរឹងមាំដោយមិនឲ្យក្លាយជាភូមិខ្មៅ ប្រផេះ លឿង គឺឲ្យសរហូតនោះ លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ នៅថ្ងៃទី០២ ខែមករា ឆ្នាំ២០១៨ បានសំណេះសំណាលជាមួយអាជ្ញាធរភូមិ សង្កាត់ និងកម្លាំងប្រជាការពារភូមិមកពី៤សង្កាត់ គឺសង្កាត់ អូរអំបិល កំពង់ស្វាយ ព្រះពន្លា និងសង្កាត់ទឹកថ្លា ក្នុងក្រុងសិរីសោភ័ណ សរុបជិត២០០នាក់ ដែលប្រារព្ធធ្វើនៅស្នងការដ្ឋាននគរបាលខេត្តបន្ទាយមានជ័យ ដែលមានលោកឧត្តមសេនីយ៍ត្រី វង្ស វិត ស្នងការរងទទួលផែនធនធានមនុស្ស និងលោកឧត្តមសេនីយ៍ត្រី វង្ស ប្រាថ្នា ស្នងការរងទទួលផែនសន្តិសុខ លោកវរសេនីយ៍ឯក ស៊ី ឌី អធិការនគរបាលក្រុងសិរីសោភ័ណចូលរួមផងដែរ ។
លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានមានប្រសាសន៍ថា ការជួបសំណេះសំណាលនាឱកាសនេះគឺមានគោលបំណងដើម្បីជាការក្រើនរំលឹងនូវអ្វីដែលទាក់ទងទៅនឹងស្ថានភាពសន្តិសុខ សណ្តាប់ធ្នាប់ និងសុវត្ថិភាពក្នុងមូលដ្ឋានភូមិ សង្កាត់ ដោយឲ្យអាជ្ញាធរភូមិ សង្កាត់ និងកម្លាំងប្រជាការពារ រួមសហការជាមួយជាមួយកងកម្លាំងនគរបាលប៉ុស្តិ៍រដ្ឋបាលសង្កាត់ ដោយធានាឲ្យបាននូវសន្តិសុខល្អ គឺភូមិស កុំឲ្យភូមិឬសង្កាត់នោះក្លាយជា ខ្មៅ ប្រផេះ ឬ ក្រហម លឿង ឲ្យសោះ នេះគឺទាក់ទៅនឹងបញ្ហាលក់ចែកចាយ គ្រឿងញៀន ក្រុមក្មេងទំនើងជាដើម ព្រោះថាបើគ្មានចូលរួមពីអាជ្ញាធរភូមិ សង្កាត់ទេនោះ ភូមិ សង្កាត់នោះនឹងក្លាយជាភូមិខ្មៅ ប្រផេះ ក្រហម លឿងហើយ ។
ជាមួយគ្នានោះលោកឧត្តមសេនីយ៍ទោ អាត់ ខែម បានបញ្ជាក់ថា ភារកិច្ច និងតួនាទីរបស់អាជ្ញាធរ និងកម្លាំងប្រជាការពារមិនមានសិទ្ធប្រើប្រាស់អាវុធឬក៏ស្រាវជ្រាវចាប់ជនល្មើសក៏ដោយ ប៉ុន្តែបើបទល្មើសជាក់ស្តែងគឺមានសិទ្ធបង្ក្រាប និងចាប់ជនប្រព្រឹត្តល្មើសយកមកប្រគល់ឲ្យសមត្ថកិច្ច ហើយបទល្មើសជាក់ស្តែងនេះ គឺសូម្បីតែប្រជាពលរដ្ឋក៏ចាប់ឃាត់ខ្លួនបានដែរមិនថា ចាំសមត្ថកិច្ចនោះទេ ៕
ចែករំលែកព័តមាននេះ