សារព័ត៌មានបរទេសកាលពីពេលថ្មីៗកន្លងមកផ្សាយថា ក្នុងអំឡុងពេលចូលឆ្នាំថ្មី២០១៨នេះ គឺជាឆ្នាំដ៏ស្រស់ត្រកាលសម្រាប់គូអាពាហ៍ពិពាហ៍ និងជាអំឡុងពេលពលរដ្ឋអាស៊ីជ្រើសរើសរកគូស្រករ ។ ដោយឡែកសម្រាប់ក្រុមហ៊ុនសំអាងការនានានៅលើពិភពលោករិះរកឈុតដ៏ស្រស់ស្អាតបំពេញចិត្តអតិថិជន ។
មានឈុតអាពាហ៍ពិពាហ៍មួយចំនួនបានវាយលុកនៅលើទីផ្សារបច្ចុប្បន្ន និងជាឈុតរៀបការប្រចាំឆ្នាំ២០១៨ រួមមាន៖
១-ឈុតសំពត់វែងផាយខាងក្រោម៖
នៅក្នុងឆ្នាំ២០១៨ ឈុតប្រភេទនេះនៅទទួលការពេញនិយម មានលក្ខណៈជាសំពត់រីកសាយខាងក្រោមជួយបិទបាំងរូបរាងបានល្អ ។
២-ឈុតមានទម្រង់កខ្ពស់ ៖
ឈុតអាពាហ៍ពិពាហ៍មានលក្ខណៈជាកអណ្ដើក ឬកតាំង សុទ្ធសឹងជាឈុតកូនក្រមុំក្នុងឆ្នាំ២០១៨ ដោយបង្កើនការតុបតែងជាក្បូរក្បាច់ សក្ដិសមសម្រាប់កូនក្រមុំដែលមានទំនុកចិត្ត និងមានភាពសិចស៊ី ។
៣-ក្រណាត់ឃ្លុមលើឈុតកូនក្រមុំ៖
ក្រណាត់ឃ្លុមឈុតកូនក្រមុំ «Capes »មានន័យថាជាម៉ូដប្រចាំឆ្នាំ២០១៨ អាចជួយលើកសម្រស់់អ្នកឲ្យមានភាពស្រស់ស្រាយ ។
៤-ឈុតអាពាហ៍ពិពាហ៍បើកស្មា៖
ជាម៉ូដមួយកំពុងទទួលការពេញនិយមប្រចាំឆ្នាំ ២០១៨ សង្កត់ធ្ងន់លើសម្រស់ខាងលើដោយបើកទូលាយ និងមានបង្ហាញបន្តោងខ្សែករបស់កូនក្រមុំ ។
៥-ឈុតអាពាហ៍ពិពាហ៍ប្រភេទខ្លី៖
បច្ចុប្បន្នឈុតប្រភេទអូសដីហាក់ដូចជាបាត់ស្រមោលនៅក្នុងឆ្នាំ២០១៨ ហើយឈុតប្រភេទថ្មីនេះកំពុងទទួលការពេញនិយមចំពោះស្ត្រី ដែលពេញនិយមលក្ខណៈសាមញ្ញ និងសក្ដិសមទៅលើនារីដែលនិយមដើរកម្សាន្តនៅមាត់សមុទ្រ ៕
ចែករំលែកព័តមាននេះ