តាមប្រភពព័ត៌មាន Goal បានឲ្យដឹងថា កីឡាករបាល់ទាត់ថ្លៃជាងគេលើលោក Neymar បានត្រូវគ្នាជាមួយនឹងមិត្តស្រីរបស់ខ្លួនដែលសុំបែកកាលពីខែមិថុនាឆ្នាំមុន ។ ការត្រូវគ្នាវិញនេះ ជាលើកទីបួនហើយ ។…
តាមប្រភពព័ត៌មាន Goal បានឲ្យដឹងថា កីឡាករបាល់ទាត់ថ្លៃជាងគេលើលោក Neymar បានត្រូវគ្នាជាមួយនឹងមិត្តស្រីរបស់ខ្លួនដែលសុំបែកកាលពីខែមិថុនាឆ្នាំមុន ។ ការត្រូវគ្នាវិញនេះ ជាលើកទីបួនហើយ ។
សេចក្តីស្នេហារវាងកីឡាករ Neymar និង តារាសម្តែងស្រី Bruna Marquezine បានចាប់ផ្តើមនៅឆ្នាំ២០១២ ។ តែនៅចុងឆ្នាំ២០១៣ ស្រាប់តែប្រកាសថាបែកគ្នា ។ ដល់ក្រោយមកបន្តិចក៏ត្រូវគ្នាវិញ ។ នៅរដូវកាល World Cup 2014 ក៏ប្រកាសថាបែកគ្នាទៀត គម្រប់ពីរដង ។ នៅខែតុលាឆ្នាំ២០១៦ ក៏ត្រូវគ្នាទៀត ហើយក៏បែកជាលើកទីបីនៅខែមិថុនា ។ លើកនេះជាលើកទីបួនហើយ ដែលគូស្នេហ៍ម្តងចុះម្តងឡើងនេះ ប្រកាសថាត្រូវគ្នាវិញ ។
គេបានឃើញ Neymar និង Bruna ឱបគ្នានៅក្នុងពិធីជប់លៀងឆ្លងឆ្នាំ ។ ជាមួយគ្នានេះដែរ គេក៏ឃើញមានរូបថត Neymar ថើបគ្នាជាមួយនិង Bruna នាពេលថ្មីៗនេះ បង្ហោះចូលក្នុង Twitter ផងដែរ ។ សង្ឃឹមថាម្តងនេះអាចត្រូវគ្នាបានរហូតទៅចុះ ៕
ចែករំលែកព័តមាននេះ