វេបសាយ«Time»បានរៀបចំណាត់ថ្នាក់ហេតុការណ៍រន្ធត់ចំនួន១០ប្រចាំឆ្នាំ២០១៧ ។
១-ឥទ្ធិពលព្យុះនៅព័រតូរីកូ
អគារមួយនៅក្រុងសាំងហ្សង់ ប្រទេសព័រតូរីកូ រងការបាក់បែកដោយប៉ើងកញ្ចក់ និងកំផែងពីឥទ្ធិពលព្យុះ«Maria»នៅថ្ងៃទី២៥ កញ្ញា ។
២-រងគ្រោះដោយសារវិបត្តិ
កុមារមួយចំនួនឈរមើលបងប្អូនជីដូនមួយអាយុ១៧ខែ ស្លាប់ដោយបេះដូងចុះខ្សោយ ព្រោះខ្វះខាតម្ហូបអាហារ នៅក្រុងសានកាស៊ីមីរ៉ូ ប្រទេសវ៉េណេស៊ុយអេឡាកាលពីថ្ងៃទី២១ សីហា ។
៣-រត់គេចពីការបាញ់ប្រហារ
ក្រុមអ្នកទស្សនាការប្រគំតន្ត្រីនាំគ្នារត់គេចពីការបាញ់ប្រហារនៅឡាសវ៉េហ្គាស រដ្ឋតិចសាស់ សហរដ្ឋអាមេរិក កាលពីថ្ងៃទី១ តុលា។
៤-ភ្លើងឆេះព្រៃនៅក្រុងវ៉េនធូរ៉ា
ក្រុមគ្រួសារអាមេរិកត្រៀមភៀសខ្លួនពីភ្លើងឆេះព្រៃនៅក្រុងវ៉េនធូរ៉ា រដ្ឋកាលីហ្វ៊័រនីញ៉ា សហរដ្ឋអាមេរិក ។
៥-ក្មេងប្រុសរ៉ូហ៊ីងយ៉ាយំសុំអំណោយ
ក្មេងប្រុសរ៉ូហ៊ីងយ៉ាបានឡើងលើរថយន្តដឹកចំណីអាហារដែលយកទៅចែកជូនជនភៀសខ្លួនក្រោយពីទាហានមីយ៉ាន់ម៉ាបង្ក្រាបជនរ៉ូហុីងយ៉ា ដែលប្រដាប់ដោយអាវុធនៅថ្ងៃទី២០ កញ្ញា ។
៦-ពលរដ្ឋរិះគន់អភិបាលរដ្ឋញូវចឺស៊ីដែលបិទតំបន់ឆ្នេរ
លោកអភិបាលរដ្ឋញូវចឺស៊ី បានចេញបញ្ជាឱ្យបិទតំបន់ឆ្នេរ ខណៈពេលពលរដ្ឋជាច្រើនមិនបានចូលទៅដើរកម្សាន្ត ប៉ុន្តែលោកអាចចូលទៅកម្សាន្តទាំងក្រុមគ្រួសារ ។ បែបនោះហើយលោកអភិបាលរដ្ឋរងការរិះគន់ពីពលរដ្ឋអាមេរិក ។
៧-បាត់បង់ក្រុមគ្រួសារនៅឥណ្ឌា
បងប្អូនក្រុមគ្រួសារនៅតំបន់កាស្មៀ ត្រូវគេសម្លាប់ក្នុងពេលធ្វើបាតុកម្មតវ៉ានៅក្បែរតំបន់ជម្លោះរវាងក្រុមចលាចល និងកងសន្តិសុខនៅភាគខាងត្បូង ក្រុងស៊ីណាខន រដ្ឋJammu និងRashmir ប្រទេសឥណ្ឌា ។
៨-មើលងាយជាតិសាសន៍
បុរសដែលនិយមស្បែកសបានបើករថយន្តបុកក្រុមអ្នកតវ៉ាស្បែកខ្មៅនៅក្រុងសាឡុតវីល រដ្ឋវើជីនៀ សហរដ្ឋអាមេរិក កាលពីថ្ងៃទី១២ សីហា ។
៩-ខ្លាឃ្មុំតំបន់ប៉ូលខ្វះចំណីនៅលើកោះសាម៉ូសេត
ខ្លាឃ្មុំតំបន់ប៉ូលមានភាពស្គមស្គាំងនៅវាលទំនាបលើកោះសាម៉ូសេ ប្រទេសកាណាដាដោយសារបម្រែបម្រួលអាកាសធាតុប៉ះពាល់ដល់សត្វមានជីវិតនៅព្រៃតំបន់អាកទិកកាលពីខែកក្កដា កន្លងទៅ ។
១០-កាកសំណល់ពីសង្គ្រាម
ក្មេងប្រុសម្នាក់ជិះកាត់គ្រោងរថយន្ត និងផ្ទះដែលខូចខាតនៅភាគខាងលិចក្រុងម៉ូសុល ប្រទេសអ៊ីរ៉ាក់ កាលពីថ្ងៃទី១៩ មីនា ៕
ចែករំលែកព័តមាននេះ