រាជធានីភ្នំពេញ ៖ បុរសម្នាក់ត្រូវប្រជាពលរដ្ឋនាំគ្នាដេញឃាត់ខ្លួនបានបន្ទាប់ពីធ្វើសកម្មភាពលួចម៉ូតូម៉ាកស្មាក់កញ្ចាស់មួយគ្រឿងដោយមានជាប់សោ ហើយម្ចាស់ឃើញទាន់ស្រែកឆោឡោ ។ ហេតុការណ៍ដេញឃាត់ជនសង្ស័យនេះបង្កឱ្យមានការភ្ញាក់ផ្អើលកាលពីម៉ោង១២នឹង៣០នាទីថ្ងៃត្រង់ ទី០១ ខែមករា ឆ្នាំ២០១៨ នៅមុខផ្ទះលេខ០៩អា…
រាជធានីភ្នំពេញ ៖ បុរសម្នាក់ត្រូវប្រជាពលរដ្ឋនាំគ្នាដេញឃាត់ខ្លួនបានបន្ទាប់ពីធ្វើសកម្មភាពលួចម៉ូតូម៉ាកស្មាក់កញ្ចាស់មួយគ្រឿងដោយមានជាប់សោ ហើយម្ចាស់ឃើញទាន់ស្រែកឆោឡោ ។ ហេតុការណ៍ដេញឃាត់ជនសង្ស័យនេះបង្កឱ្យមានការភ្ញាក់ផ្អើលកាលពីម៉ោង១២នឹង៣០នាទីថ្ងៃត្រង់ ទី០១ ខែមករា ឆ្នាំ២០១៨ នៅមុខផ្ទះលេខ០៩អា ផ្លូវ១៩៥៨ ភូមិទំនប់សង្កាត់ភ្នំពេញថ្មី ខណ្ឌសែនសុខ ។
ជនសង្ស័យដែលត្រូវឃាត់ខ្លួនឈ្មោះ លឹម គង្គា ភេទប្រុស អាយុ២១ឆ្នាំ មុខរបរមិនពិតប្រាកដស្នាក់នៅភូមិទួលគោក សង្កាត់ទួលសង្កែ២ ខណ្ឌឫស្សីកែវ ។ ចំណែកម្ចាស់ម៉ូតូឈ្មោះ មិន ចាន់ឌី អាយុ៣៣ឆ្នាំ ស្នាក់នៅផ្ទះកើតហេតុខាងលើ ។
តាមប្រភពពីម្ចាស់ម៉ូតូបានឱ្យដឹងថា នៅមុនពេលកើតហេតុគាត់បានជិះម៉ូតូមួយគ្រឿងម៉ាកស្មាក់វី ពណ៌ក្រហម ពាក់ស្លាកលេខ ភ្នំពេញ ១BR-៨៦៣៦ មកពីផ្សាររួចចតចោលមុខផ្ទះដោយមិនបានដកកូនសោរចេញនោះទេរួចក៏ចូលទៅក្នុងផ្ទះ ។ មួយសន្ទុះក្រោយមកក្រឡេកទៅមើលម៉ូតូឃើញជនសង្ស័យម្នាក់បញ្ឆេះម៉ូតូអត់ឆេះក៏បណ្តើរចេញហើយស្រែកចោរៗ ជនសង្ស័យក៏បានបណ្តើរម៉ូតូរត់បានប្រមាណជាង១០០ម៉ែត្រដល់ស្តុបផ្លូវលេខ៥៨៩ កែងផ្លូវ៣៣៧ ជនសង្ស័យផ្តួលម៉ូតូរត់គេចខ្លួនហើយត្រូវបានប្រជាពលរដ្ឋនាំគ្នាដេញឃាត់ខ្លួនបាន ។ តាមជនសង្ស័យបានសារភាពឱ្យដឹងថា ខ្លួនមានបក្សពួក២នាក់ជិះម៉ូតូមួយគ្រឿងដឹកខ្លួនមកទំលាក់ធ្វើសកម្មភាពលួច ។ នៅពេលឃាត់ខ្លួនបក្សពួកក៏បានជិះគេចខ្លួនបាត់ ៕
ចែករំលែកព័តមាននេះ