ខេត្តស្វាយរៀង ៖ លោកសេង សិលា អភិបាលនៃគណៈអភិបាលក្រុងបាវិតមានប្រសាសន៍ដោយមោទនភាពថា រដ្ឋបាលក្រុងបាវិតមានការរីកចម្រើនគួរឲ្យមោទនភាព មកដល់ឆ្នាំ២០១៧ ចូលឆ្នាំ២០១៨នេះរួមមានវិស័យសហគ្រាសឧស្សាហកម្ម វេចនភ័ណ្ឌ កាត់ដេរ…
ខេត្តស្វាយរៀង ៖ លោកសេង សិលា អភិបាលនៃគណៈអភិបាលក្រុងបាវិតមានប្រសាសន៍ដោយមោទនភាពថា រដ្ឋបាលក្រុងបាវិតមានការរីកចម្រើនគួរឲ្យមោទនភាព មកដល់ឆ្នាំ២០១៧ ចូលឆ្នាំ២០១៨នេះរួមមានវិស័យសហគ្រាសឧស្សាហកម្ម វេចនភ័ណ្ឌ កាត់ដេរ កាស៊ីណូ ភោជនីយដ្ឋាន ផ្ទះសំណាក់ សណ្ឋាគារ ផ្សាររាត្រី រមណីយ៍ដ្ឋាន មណ្ឌលកម្សាន្ត អាងហែលទឹក និងរីសត បង្កើតការងារឲ្យប្រជាពលរដ្ឋ កម្មករ-កម្មការនីរាប់ម៉ឺននាក់បម្រើការងារ និងមានជីវភាពក្នុងគ្រួសារល្អប្រសើរ ។
លើសពីនេះបានអុសទាញភ្ញៀវទេសចរណ៍ជាតិ និងអន្តរជាតិចូលមកលេងកម្សាន្តរាប់ពាន់នាក់ ជាពិសេសនៅថ្ងៃបុណ្យឆ្លងឆ្នាំសកល២០១៧-២០១៨នេះ គ្រប់ស្ថាប័នឯកជនទាំងអស់ក្នុងក្រុងបាវិតបានរៀបចំពិធីឆ្លងឆ្នាំសកល ដោយមានដាក់តាំងភ្លើងពណ៌ ដើមឈើ គ្រឹះស្មាក់ តុបតែងលម្អរ តាមដងផ្លូវ និងនៅខាងមុខបរិវេណក្រុមហ៊ុន គួរជាទីគយគន់ដ៏ត្រកាលក្នុងពេលរាត្រី ។
លោកសេងសិលា អភិបាលក្រុងបាវិតមានប្រសាសន៍បែបនេះ នៅក្នុងពិធីឆ្លងឆ្នាំសកលនៅហូមក្រោនស្វីមីងផ្លេស និងរីសត កាលពីវេលាម៉ោង៨និង០០យប់ថ្ងៃទី៣១ ខែធ្នូ ឆ្នាំ២០១៧ នៅភូមិបាវិតកណ្តាលសង្កាត់បាវិតក្រុងបាវិត ។ លោកក៏បានកោតសរសើរដល់លោកអគ្គនាយកហូមក្រោនស្វីមមីងផ្លេស និងរីសត រៀបចំពិធីឆ្លងឆ្នាំសកល ឬខោនដោន ឆ្នាំ២០១៧-២០១៨ ហើយបានបើកឲ្យមន្ត្រីរាជាការ ប្រជាពលរដ្ឋចូលរួមកម្សាន្ត ហែលទឹកលេង ដោយប្រគុំតន្ត្រីបុរាណ-សម័យសម្តែងសិល្បធ្វើឲ្យពិធីរឹតតែ អធិកអធម រីករាយក្រៃលែង ។
លោកសេងសិលា បន្តទៀតថា នេះក៏ដោយសារប្រទេសជាតិយើងមានសុខសន្តិភាព ទើបមានការអភិវឌ្ឍន៍ ហើយប្រទេសជាតិយើងមានសុខសន្តិភាពធ្វើឲ្យអ្នកវិនិយោគទុនជាតិ និងអន្តរជាតិមានជំនឿ និងទុកចិត្តលើរាជរដ្ឋាភិបាលបានមកដាក់ទុនរកស៊ីនៅប្រទេសកម្ពុជាយើង ជាពិសេសក្រុងបាវិតនេះដូច្នេះ យើងត្រូវតែចូលរួមថែរក្សារសន្តិភាពឲ្យបានគង់វង់ជាដាច់ខាត ៕
ចែករំលែកព័តមាននេះ