រាជធានីភ្នំពេញ ៖ ការប្រកួតបាល់ទាត់ដណ្ដើមពានរង្វាន់ជើងឯកលីគកំពូលកម្ពុជាប្រចាំឆ្នាំ២០១៧ បានបញ្ចប់ជាស្ថាពរហើយកាលពីយប់ថ្ងៃទី៣០ ធ្នូ កន្លងមកនេះ នៅលើទីលានពហុកីឡដ្ឋានជាតិអូឡាំពិក ។ បន្ទាប់ពីឆ្លងកាត់ការប្រកួតយ៉ាងស្វាញអស់រយៈពេល១២០នាទីពេញ ពានជើងឯកមួយនេះបានទៅលើក្រុមបឹងកេត…
រាជធានីភ្នំពេញ ៖ ការប្រកួតបាល់ទាត់ដណ្ដើមពានរង្វាន់ជើងឯកលីគកំពូលកម្ពុជាប្រចាំឆ្នាំ២០១៧ បានបញ្ចប់ជាស្ថាពរហើយកាលពីយប់ថ្ងៃទី៣០ ធ្នូ កន្លងមកនេះ នៅលើទីលានពហុកីឡដ្ឋានជាតិអូឡាំពិក ។ បន្ទាប់ពីឆ្លងកាត់ការប្រកួតយ៉ាងស្វាញអស់រយៈពេល១២០នាទីពេញ ពានជើងឯកមួយនេះបានទៅលើក្រុមបឹងកេត តាមរយៈការកាត់ក្ដីដោយទាត់បាល់ប៉េណាល់ទីយកឈ្នះក្រុមក្រសួងការពារជាតិទាំងប្រផិតប្រផើយដោយលទ្ធផល១០ទល់នឹង៩។
តាមដឹង នេះគឺជាលើកទី៣ហើយដែលក្រុមបឹងកេតមានឱកាសលើកពានលីគកំពូលកម្ពុជា ពោលគឺនៅឆ្នាំ២០១២, ២០១៦ និងឆ្នាំ២០១៧នេះតែម្ដង ។ ក្រឡេកមើលការប្រកួតផ្ដាច់ព្រ័ត្ររវាងក្រុមបឹងកេត និងក្រុមក្រសួងការពារជាតិកាលពីរាត្រីថ្ងៃទី៣០ ធ្នូ វិញពិតជាមានសភាពស្វិតស្វាញខ្លាំងណាស់ទម្រាំរកឃើញលទ្ធផលចាញ់ឈ្នះ ។
នៅតង់ទី១ ក្រុមបឹងកេតជាអ្នករកបាន១គ្រាប់នាំមុខមុនដោយកីឡាករខ្សែប្រយុទ្ធសុខ សុវណ្ណ នៅនាទីទី១៤ ធ្វើឱ្យក្រុមក្រសួងការពារជាតិព្យាយាមលេងវាយសម្រុកដើម្បីរកគ្រាប់បាល់សងវិញ ។ យ៉ាងណាក៏ដោយ ក្រុមក្រសួងការពារជាតិទោះបីមានឱកាសនាំបាល់ទៅលេងមុខទីគូប្រកួតច្រើនក្ដីក៏រយៈពេល៤៥នាទីដំបូងគ្មានសំណាងរកបានគ្រាប់បាល់ឡើយធ្វើឱ្យចប់តង់ទី១ក្រុមបឹងកេតនៅតែនាំមុខ១-០ដដែល។
ចូលដល់តង់ទី២ ក្រុមក្រសួងការពារជាតិមានឱកាសរកបាន១គ្រាប់តាមស្មើវិញនៅ
នាទីទី៦៥ដោយកីឡាករខ្សែប្រយុទ្ធកូរ៉េខាងជើង Kim Myong- Hun ធ្វើឱ្យសមរភូមិ
វាលស្មៅនៅយប់នោះឡើងកម្ដៅមិនឈប់ឈរ ដោយសារក្រុមទាំងពីរកាន់តែបង្កើន
ការលេងសម្រុកដើម្បីច្បាមយកជ័យជម្នះដូចគ្នា ប៉ុន្តែគ្មានសំណាងរកបានគ្រាប់បាល់បន្ថែមទៀតទេ ធ្វើឱ្យការប្រកួតឈានដល់ការបន្ថែមម៉ោង១៥នាទីពីរដងហើយនៅតែរក្សាលទ្ធផល១-១ដដែល។ ដូច្នេះដើម្បីស្វែងរកឱ្យឃើញម្ចាស់ជើងឯកលីគកំពូលប្រចាំឆ្នាំ២០១៧អាជ្ញាកណ្ដាលបានកាត់សេចក្ដីឱ្យក្រុមទាំងពីរទាត់បាល់ប៉េណាល់ទីចម្ងាយ១១ម៉ែត្រ ។
ជាលទ្ធផលក្រុមកីឡាករក្រសួងការពារជាតិចំនួន១៣នាក់ដែលចូលទាត់បាល់នៅក្នុងដំណាក់កាលចុងក្រោយនេះ មានតែ៩នាក់ធ្វើបានសម្រេច ឯ៤នាក់ទៀតជាកីឡាករកូរ៉េមាន KiMyong-Hun ,Jang SongHyok, Ri Hyong-Chol និង Choe Myong-ho ធ្វើមិនបានសម្រេចទេ។ ចំណែកក្រុមបឹងកេតវិញធ្វើបានសម្រេច១០នាក់ក្នុងពេល៣នាក់ទៀតគឺឃួន ឡាបូរ៉ាវី, សុខ សុវណ្ណ និង Omogba ធ្វើមិនបានសម្រច៕
ចែករំលែកព័តមាននេះ