ទីក្រុងបាងកក ៖ ការនាំចេញរបស់ប្រទេសថៃ នឹងបន្តកើនឡើងក្នុងឆ្នាំ២០១៨ ដោយមានការជំរុញពីការកើនឡើងនៃការនាំចេញពិភពលោកប្រមាណ៩,២% និងការងើបឡើងវិញនៃសេដ្ឋកិច្ចរបស់ដៃគូពាណិជ្ជកម្មធំៗរបស់ប្រទេសថៃ ដែលមានដូចជា សហរដ្ឋអាមេរិក ជប៉ុន ចិន…
ទីក្រុងបាងកក ៖ ការនាំចេញរបស់ប្រទេសថៃ នឹងបន្តកើនឡើងក្នុងឆ្នាំ២០១៨ ដោយមានការជំរុញពីការកើនឡើងនៃការនាំចេញពិភពលោកប្រមាណ៩,២% និងការងើបឡើងវិញនៃសេដ្ឋកិច្ចរបស់ដៃគូពាណិជ្ជកម្មធំៗរបស់ប្រទេសថៃ ដែលមានដូចជា សហរដ្ឋអាមេរិក ជប៉ុន ចិន និងអឺរ៉ុបជាដើម ។
យោងតាមអង្គការពាណិជ្ជកម្មពិភពលោកបានឲ្យដឹងថា ការនាំចេញពិភពលោកនឹងកើនឡើង៩,២% ។ លើសពីនេះ តម្លៃកសិផល និងទំនិញប្រើប្រាស់ប្រចាំថ្ងៃសំខាន់ៗត្រូវបានគិតថា នឹងកើនឡើង ស្របទៅនឹងការកើនឡើងនៃតម្លៃប្រេងពិភពលោកផងដែរ ។
ការិយាល័យគោលនយោបាយ និងយុទ្ធសាស្ត្រពាណិជ្ជកម្មក្រោមក្រសួងពាណិជ្ជ កម្មព្យាករណ៍ថា ការនាំចេញក្នុងឆ្នាំ២០១៨ នឹងលូតលាស់បានពី៦ទៅ៦,៥%មកស្មើ២៥០ប៊ីលានដុល្លារ។ ប៉ុន្តែហានិភ័យមួយចំនួនដូចជា អត្រាប្តូរប្រាក់ និងអស្ថិរភាពផ្នែកនយោបាយពិភពលោកអាចនឹងប៉ះពាល់ដល់ការនាំចេញរបស់ប្រទេសថៃ ។
ក្រុមហ៊ុននាំចេញក្នុងប្រទេសនេះបាននិយាយថា ពួកគេព្រួយបារម្ភខ្លាំងជាងគេលើការកើនឡើងនៃតម្លៃប្រាក់បាតដែលអាចប៉ះពាល់ដល់ភាពប្រកួតប្រជែងរបស់ប្រទេសថៃ។
សម្រាប់ឆ្នាំ២០១៧ ការិយាល័យខាងលើជឿជាក់ថា ការនាំចេញប្រចាំឆ្នាំនឹងកើនឡើង ១០%មកស្មើប្រមាណ៧,២៣ប៊ីលានដុល្លារ។
អ្នកស្រី Ghanyapad Tantipipatpong នាយកនៃការិយាល័យខាងលើបាននិយាយថា ការនាំចេញរបស់ប្រទេសថៃក្នុងឆ្នាំ២០១៧ បានកើនឡើងយ៉ាងខ្លាំងក្នុងវិស័យជាច្រើន ដូចជា គ្រឿងសមុទ្រក្លាសេ និងកំប៉ុង, ផលិតផលធ្វើពីជ័រកៅស៊ូ, ផលិតផលគីមី, យានយន្តនិងគ្រឿងយានយន្ត, គ្រឿងអគ្គិសនី និងកុំព្យូទ័រជាដើម ។
ប៉ុន្តែអ្នកស្រីបានព្រមានថា ការកើនឡើងនៃតម្លៃប្រាក់បាត អាចនឹងប៉ះពាល់ដល់ការនាំចេញក្នុងឆ្នាំ២០១៨ ហើយអ្នកស្រីជំរុញឲ្យធនាគារជាតិចេញវិធានការដោះស្រាយបញ្ហានេះដើម្បីរក្សាភាពប្រកួតប្រជែងរបស់ផលិតផលថៃផងដែរ ។
លើសពីនេះទៀត អ្នកស្រីបាននិយាយថា អ្នកនាំចេញរបស់ថៃគួរតែមានការប្រុងប្រយ័ត្នព្រោះការប្រកួតប្រជែងក្នុងទីផ្សារពិភពលោកកាន់តែមានភាពតានតឹងឡើង ដោយមានប្រទេសនាំចេញក្នុងអាស៊ានកាន់តែច្រើនបង្កើនសមត្ថភាពក្នុងការផលិត និងភាពប្រកួតប្រជែងរបស់ពួកគេដែរ ។
អ្នកស្រីបានបន្ថែមថា គោលនយោបាយរដ្ឋាកររបស់សហរដ្ឋអាមេរិក អាចនឹងបង្កើនតម្លៃប្រាក់ដុល្លារ និងរូបិយប័ណ្ណផ្សេងៗទៀតក្នុងតំបន់ ។ ស្ថានការណ៍នេះអាចនឹងជំរុញដល់តម្លៃប្រាក់បាតកាន់តែឡើងថែមទៀតក្នុងឆ្នាំ ២០១៨ ៕
ចែករំលែកព័តមាននេះ