លោក Elon Musk ថើបលាគ្នាជាមួយនាង Amber Heard ក្រោយពីបានទទួលទានអាហារពេលល្ងាចរួមគ្នានៅក្រុងឡូសអេនចឺឡេស ។ រូបភាពនេះបង្កើតចម្ងល់ថា ពួកគេវិលទៅសេពគប់គ្នាជាថ្មីក្រោយពីបានបែកបាក់កាលពីខែសីហា កន្លងមក ឬយ៉ាងណា ។
រូបភាពនោះធ្វើឱ្យមានពាក្យចចាមអារ៉ាមថា ពួកគេអាចវិលមកត្រូវរ៉ូវគ្នាជាថ្មី ព្រោះកាលពីមុនខាងបុរសបានផ្តល់បទសម្ភាសន៍ថា លោក«បំភ្លេចនាងមិនបានទេ» និងទទួលស្គាលថា«បេះដូងលោកស្ទើរប្រេះស្រាំ»ដែលនៅបែកគ្នាជាមួយតារាសម្តែងរូបនេះ ។
«US Weekly»បានអះអាងដោយយោងតាមប្រភពជំនិតពីភាគីបុរសថា ពួកគេទាំង២នៅមិនទាន់បានសេពគប់គ្នានៅឡើយទេ ហើយម្ចាស់ទ្រព្យសម្បត្តិសរុប២០.៨០០លានដុល្លារ និងអតីតប្រពន្ធរបស់លោកJohnny Deppទទួលទានអាហាររួមគ្នាក្នុងនាមជាមិត្តភក្តិប៉ុណ្ណោះ ។
នាងAmber Heardធ្លាប់រៀបការជាមួយJohnny Deppនៅឆ្នាំ២០១៥ និងបានលែងលះក្នុងឆ្នាំបន្ទាប់ រួមទាំងប្តឹងពីបទវាយដំលើរាងកាយនាង ៕
ចែករំលែកព័តមាននេះ