រាជធានីភ្នំពេញ ៖ ស្ត្រីពីរនាក់ជាម្តាយនិងកូនដែលជាអ្នកលក់បង្អែម បានត្រូវចោរប្លន់យកម៉ូតូទៅបាត់កាលពីវេលាម៉ោង១និង៣០នាទីរំលងអធ្រាត្រឈានចូលថ្ងៃទី២២ វិច្ឆិកា នៅភូមិវាយន្ត សង្កាត់ស្វាយរៀង ក្រុងស្វាយរៀង ។ បើតាមបុរសឈ្មោះស្វាយ មាន អាយុ៤៩ឆ្នាំ ត្រូវជាប្តីនិងជាឪពុកជនរងគ្រោះទាំងពីរនាក់ឱ្យដឹងថា ប្រពន្ធរបស់គាត់ឈ្មោះធឿង យឹង អាយុ៤៦ឆ្នាំ ឯកូនស្រីឈ្មោះ
រាជធានីភ្នំពេញ ៖ ស្ត្រីពីរនាក់ជាម្តាយនិងកូនដែលជាអ្នកលក់បង្អែម បានត្រូវចោរប្លន់យកម៉ូតូទៅបាត់កាលពីវេលាម៉ោង១និង៣០នាទីរំលងអធ្រាត្រឈានចូលថ្ងៃទី២២ វិច្ឆិកា នៅភូមិវាយន្ត សង្កាត់ស្វាយរៀង ក្រុងស្វាយរៀង ។ បើតាមបុរសឈ្មោះស្វាយ មាន អាយុ៤៩ឆ្នាំ ត្រូវជាប្តីនិងជាឪពុកជនរងគ្រោះទាំងពីរនាក់ឱ្យដឹងថា ប្រពន្ធរបស់គាត់ឈ្មោះធឿង យឹង អាយុ៤៦ឆ្នាំ ឯកូនស្រីឈ្មោះស្វាយ ស្រីពេជ្រ អាយុ១៨ឆ្នាំ ។ ជារៀងរាល់ថ្ងៃ ប្រពន្ធគាត់និងកូនស្រីតែងតែទៅលក់បង្អែមនៅសួនតាឌី ហើយនៅថ្ងៃកើតហេតុកូនស្រីគាត់បានជិះម៉ូតូ ហុងដាឌ្រីមសេ១២៥ ស៊េរី២០១១ ឡើងតែម២០១២ ពណ៌ខ្មៅ ។
ប្រភពដដែលបានបន្តទៀតថា នៅម៉ោងប្រមាណ១និង២០នាទីរំលងអធ្រាត្រ ប្រពន្ធនិងកូនរបស់គាត់បានរៀបចំរើអីវ៉ាន់លើកដាក់រឺុម៉កដឹកមកផ្ទះ ដោយប្រពន្ធគាត់ជាអ្នកបើករឺុម៉កម៉ូតូចំណែកកូនស្រីជិះម៉ូតូបំភ្លឺភ្លើងពីក្រោយ ។ ពេលមកដល់ចំណុចខាងលើ ស្រាប់តែមានជនម្នាក់ពួននៅក្រោមដើមអំពិលបារាំងស្ទាក់វាយកូនស្រី់គាត់មួយព្រនង់ចំខ្នងបណ្តាលឱ្យដួលម៉ូតូ រួចកូនស្រីគាត់បានប្រវាយប្រតប់ជាមួយចោរតែមិនឈ្នះ ហើយត្រូវចោរយកម៉ូតូជិះចេញបាត់ទៅ ចំណែកឯប្រពន្ធគាត់ព្យាយាមមកជួយកូនស្រីដែរតែជួយមិនទាន់ ។
កញ្ញាស្វាយ ស្រីពេជ្រ និយាយថា ក្រោយពីធ្វើសកម្មភាពប្លន់រួច នាងឃើញជននោះជិះម៉ូតូទៅទិសខាងជើង ចំណែកនាងនិងម្តាយបានដោះម៉ូតូពីរឺុម៉កដែលដឹកអីវ៉ាន់លក់បង្អែមនោះមកជិះតាមពីក្រោយដែរតែតាមមិនទាន់ ។ ប្រជាពលរដ្ឋមួយចំនួននិយាយថា ដោយសារតែក្រុងស្វាយរៀងមានល្បែងកន្ទុយលេខ និងចាក់បាល់រីកដូចផ្សិត ទើបបណ្តាលឱ្យកើតមានអំពើរចោរកម្មបែបនេះ ៕
ចែករំលែកព័តមាននេះ