អ្នកនាំពាក្យ CPP ៖ លោក ម៉ម សូណង់ដូ ដើរតាមដានចាស់លោក កឹម សុខា
- ភ្នំពេញ
រាជធានីភ្នំពេញ ៖ លោក សុខ ឥសាន អ្នកនាំពាក្យគណបក្សប្រជាជនកម្ពុជា បានលើកឡើងថា លោក ម៉ម សូណង់ដូ…
រាជធានីភ្នំពេញ ៖ លោក សុខ ឥសាន អ្នកនាំពាក្យគណបក្សប្រជាជនកម្ពុជា បានលើកឡើងថា លោក ម៉ម សូណង់ដូ…
រាជធានីភ្នំពេញ ៖ លោក សុខ ឥសាន អ្នកនាំពាក្យគណបក្សប្រជាជនកម្ពុជា បានលើកឡើងថា លោក ម៉ម សូណង់ដូ អតីតប្រធានគណបក្សសំបុកឃ្មុំសង្គមប្រជាធិបតេយ្យ មិនគួរដើរជាន់ដានចាស់ទេ ។
លោក សុខ ឥសាន បន្តទៀតថា មហាជនទូទៅនៅចាំមិនទាន់ភ្លេចនៅឡើយថា ពាក់ព័ន្ធនឹងលោក កឹម សុខា កន្លងទៅ តុលាការបានកោះហៅឲ្យចូលខ្លួន ដើម្បីសាកសួរ នាមជាសាក្សី ក្នុងសំណុំរឿងពាក់ព័ន្ធនឹងបណ្តឹងរបស់កញ្ញា ខុម ច័ន្ទតារាទី ដែលពេលនោះលោក កឹម សុខា មិនបានចូលមកកាន់តុលាការ តាមការកោះហៅទេ ដែលត្រូវប្រឈមនឹងមាត្រា ៥៣៨ នៃក្រមព្រហ្មទណ្ឌនៃព្រះរាជាណាចក្រកម្ពុជា ។
លោកបន្តទៀតថា ឥឡូវនេះ ចូលរឿងលោកតា ម៉ម សូណង់ដូ អតីតប្រធានគណបក្សសំបុកឃ្មុំសង្គមប្រជាធិបតេយ្យ ដែលតុលាការបានកោះហៅឲ្យចូលខ្លួនទៅតុលាការក្នុងនាមជាសាក្សី ពាក់ព័ន្ធនឹងសំណុំរឿង «បទសន្ទិដ្ឋិភាពជាមួយបរទេស» របស់លោក កឹម សុខា មេបក្សប្រឆាំងដែលកំពុងជាប់ឃុំក្នុងពន្ធនាគារត្រពាំងផ្លុងនោះ បែរជាប្រកែកមិនព្រមចូលខ្លួនទៅជួបតុលាការតាមការ កោះហៅ ។
បើតាមគោលការណ៍ច្បាប់ លោក ម៉ម សូណង់ដូ តីតប្រធានគណបក្សសំបុកឃ្មុំសង្គមប្រជាធិបតេយ្យ ត្រូវតែទៅជួបតុលាការ ទើបជាការត្រឹមត្រូវ មិនគួរដើរជាន់ដានចាស់របស់លោក កឹម សុខា មេបក្សប្រឆាំងនោះទេ ៕
ចែករំលែកព័តមាននេះ