ហេតុអីមិនស្ដាយអនាគត ខ្លួននៅក្មេងសោះ !
- សៀមរាប
ខេត្តសៀមរាប ៖ នាថ្ងៃពុធ១០កើត ខែបុស្ស ឆ្នាំរកា ព.ស២៥៦១ ត្រូវនឹងថ្ងៃទី២៧ ខែធ្នូ គ.ស២០១៧ វេលាម៉ោង១០…
ខេត្តសៀមរាប ៖ នាថ្ងៃពុធ១០កើត ខែបុស្ស ឆ្នាំរកា ព.ស២៥៦១ ត្រូវនឹងថ្ងៃទី២៧ ខែធ្នូ គ.ស២០១៧ វេលាម៉ោង១០…
ខេត្តសៀមរាប ៖ នាថ្ងៃពុធ១០កើត ខែបុស្ស ឆ្នាំរកា ព.ស២៥៦១ ត្រូវនឹងថ្ងៃទី២៧ ខែធ្នូ គ.ស២០១៧ វេលាម៉ោង១០ និង២០នាទីព្រឹក កម្លាំងការិយាល័យប្រឆាំងគ្រឿងញៀន បានចូលរួមសហការណ៍ជាមួយកម្លាំងប៉ុស្តិ៍នគរបាលរដ្ឋបាល សង្កាត់ស្លក្រាម បានចុះបង្ក្រាបករណីចាត់ចែងសម្រួល និងប្រើប្រាស់ ដោយខុសច្បាប់នូវសារធាតុញៀននៅបន្ទប់ជួលក្រុមទី០៤ ភូមិទ្រាំង សង្កាត់ស្លក្រាម ក្រុងខេត្តសៀមរាប រហូតឈានដល់ធ្វើការឃាត់ខ្លួនបានស្ត្រីញៀនថ្នាំ ចំនួន២នាក់ រួចនាំយកមកសួរនៅស្នងការខេត្ត ដើម្បីរៀបចំកសាងសំណុំរឿងបញ្ជូនទៅតុលាការខេត្ត។
តាមប្រភពពីកម្លាំងជំនាញ បានប្រាប់ថា ស្ត្រី ជាជនសង្ស័យចំនួន០២នាក់ មាន៖ ១.ឈ្មោះ យេ យ៉ង់ ហៅស្រីពៅ ភេទស្រី អាយុ១៧ឆ្នាំ មុខរបរគ្មាន ទីលំនៅភូមិពាក់ស្ពា ឃុំសង្វើយ ស្រុកជីក្រែង ខេត្តសៀមរាប អ្នកចាត់ចែង និងប្រើប្រាស់(មានសារធាតុញៀនក្នុងខ្លួន) ០២.ឈ្មោះ វណ្ណា ស្រីខួច ភេទស្រី អាយុ២៦ឆ្នាំ មុខរបរគ្មាន ទីលំនៅភូមិភ្នំក្រោម សង្កាត់សៀមរាប ក្រុង/ខេត្តសៀមរាប អ្នកសម្រួល និងប្រើប្រាស់(មានសារធាតុញៀនក្នុងខ្លួន)។ បន្ទាប់ពីកម្លាំងនគរបាលជំនាញឃាត់ខ្លួនបានជនសង្ស័យ ចំនួន២នាក់ ក្នុងនោះដកហូតវត្ថុតាងមាន៖ ឧបករណ៍ប្រើប្រាស់ថ្នាំញៀនមួយចំនួន,ទូរស័ព្ទដៃ០៣គ្រឿង។ បច្ចុប្បន្នកម្លាំងសមត្ថកិច្ចជំនាញបានកសាងសុំណុំរឿងបញ្ចូនទៅសាលាដំបូងខេត្តថ្ងៃទី២៨ ខែធ្នូ ឆ្នាំ២០១៧ ដើម្បីចាត់ការទៅតាមនីតិវិធីបន្ត៕
ចែករំលែកព័តមាននេះ