រាជធានីភ្នំពេញ ៖ អ្នកលេងគុនខ្មែរ ធឿន ធារ៉ា មកពីក្លិបក្រសួងកសិកម្ម នឹងឡើងសង្វៀនប្រកួតជាមួយកីឡាករថៃឈ្មោះNumkabuan Kiatnavy នៅក្នុងព្រឹត្តិការណ៍ប្រដាល់Max Muoy…
រាជធានីភ្នំពេញ ៖ អ្នកលេងគុនខ្មែរ ធឿន ធារ៉ា មកពីក្លិបក្រសួងកសិកម្ម នឹងឡើងសង្វៀនប្រកួតជាមួយកីឡាករថៃឈ្មោះNumkabuan Kiatnavy នៅក្នុងព្រឹត្តិការណ៍ប្រដាល់Max Muoy Thai ដែលរៀបចំឡើងនៅទីក្រុងប៉ាតាយ៉ា ខេត្តឈុនបុរី ប្រទេសថៃ នាថ្ងៃទី៣១ ធ្នូ ខាងមុខនេះ ក្នុងនាមជាគូឯកទៀតផង ។ នេះបើយោងតាមការប្រកាសនៅលើគេហទំព័រផ្លូវការនៃកម្មវិធីប្រកួតប្រដាល់ដ៏ល្បីរបស់ថៃមួយនេះកាលពីពេលថ្មីៗកន្លងទៅ ។
មុនឡើងក្រេឌីតក្លាយជាគូឯកនៅក្នុងកម្មវិធីប្រដាល់ដ៏ល្បីនៅប្រទេសថៃបែបនេះ វាមិនមែនជារឿងចៃដន្យទេ នោះគឺដោយសារតែលទ្ធផលល្អនៃការប្រកួតកន្លងមករបស់អ្នកប្រដាល់វ័យក្មេងមកពីខេត្តព្រៃវែងរូបនេះវាយឈ្នះកីឡាករជើងខ្លាំងថៃជាបន្តបន្ទាប់ ។
ដូច្នេះសូមរង់ចាំតាមដានទាំងអស់គ្នាថា តើអ្នកលេងគុនខ្មែរធឿន ធារ៉ា អាចយកឈ្នះគូប្រកួតរបស់ខ្លួនដែរឬយ៉ាងណា ខណៈអ្នកលេងគុនថៃដែលរូបគេត្រូវជួបនាពេលនេះហាក់មានសមត្ថភាពពិបាកផ្ដួលអ៊ីចឹងនោះ។ ការប្រកួតនឹងចាប់ផ្តើមពីម៉ោង៧និង២០នាទីយប់តទៅ ដោយមានផ្សាយផ្ទាល់នៅលើកញ្ចក់ទូរទស្សន៍ប៉ុស្តិ៍លេខ៨ថៃផងដែរ ៕
ចែករំលែកព័តមាននេះ