វេបសាយ «Mirror» របស់អង់គ្លេសបានបង្ហាញរឿងរ៉ាវរបស់កុមារតូចអាយុ៣ឆ្នាំនៅប្រទេសឥណ្ឌាដុះកន្ទុយពីក្រោយធ្វើឱ្យអ្នកប្រទះឃើញតែងតែលាន់មាត់ថា «ជាហនុមានចាប់ជាតិ» ។
ក្មេងប្រុសគ្រឹស្នា យ៉ាទេព ដុះសាច់វែងប្រៀបដូចកន្ទុយក្លាយជាទីសក្ការរបស់ពលរដ្ឋនៅក្នុងភូមិគូគូធី រដ្ឋUttar Pradesh ។ លើសពីនេះអ្នកភូមិតែងតែសុំពរពីក្មេងរូបនោះ ។
ចំណែកនាងកាវីតា អាយុ២២ឆ្នាំ ជាម្តាយមិនហ៊ាននាំកូនទៅវះកាត់ទេ ព្រោះបារម្ភថា នឹងត្រូវបណ្តាសា ព្រោះមុននេះធ្លាប់នាំទៅវះកាត់ដែរ ប៉ុន្តែឈឺចាប់ពេក ទើបមិនអាចវះកាត់បាន ។ អ្នកស្រុកបានក្រើនរំលឹកកុំឲ្យវះកាត់ រីឯឪពុកលោក ស៊ុន យ៉ាទេព មានជំនឿថា កូនខ្លួនជាហនុមានចាប់ជាតិពិតប្រាកដមែន ។
ដោយឡែកគ្រូពេទ្យបញ្ជាក់ថា កន្ទុយនោះដុះចេញពីឆ្អឹងខ្នង ដោយសារអាការហៅថា«Spina Bifidia» ដោយកំហុសខុសប្រក្រតីនៅក្នុងរយៈពេល១ខែដំបូងនៃការវិវឌ្ឍកំណកំណើត ។ រីអ្នកជំនាញផ្សេងទៀតបានបង្ហាញចំណាប់អារម្មណ៍ពីកង្វះខាតអាស៊ីដហ្វូលិក (Folic) នៅមុនពេលម្តាយពពោះ និងនៅសប្តាហ៍ដំបូង ៕
ចែករំលែកព័តមាននេះ