យោងតាមពាក្យបណ្តឹងចំនួន៨ឲ្យដឹងថា ក្រុមហ៊ុន Apple Inc បានបោកអ្នកប្រើប្រាស់ទូរស័ព្ទ iPhone ដោយធ្វើឲ្យទូរស័ព្ទចាស់ៗដំណើរការកាន់តែយឺត ដើម្បីធ្វើឲ្យថ្មទូរស័ព្ទអាចប្រើប្រាស់បានយូរ ។
ការធ្វើដូច្នេះបានធ្វើឲ្យអ្នកប្រើប្រាស់ព្យាយាមដោះស្រាយបញ្ហានេះមិនបានសម្រេចនៅឆ្នាំមុន ។ រាល់បណ្តឹងទាំងអស់ គឺតំណាងឲ្យអ្នកប្រើប្រាស់ iPhone ក្នុងសហរដ្ឋអាមេរិករាល់លាននាក់ ។
កាលពីសប្តាហ៍មុន ក្រុមហ៊ុននេះបានទទួលស្គាល់ជាលើកដំបូងថា ការ Update ប្រព័ន្ធដំណើរការរបស់ទូរស័ព្ទ ដែលបានចេញកាលពីឆ្នាំមុនសម្រាប់ iPhone 6, iPhone 6s, iPhone SE និង iPhone 7 រួមមានចំណុចថ្មី ដែលអាចជួយឲ្យថ្មទូរស័ព្ទរក្សាបានយូរ មិនឡើងកម្តៅ ឬបញ្ចូលថ្មយឺត ។
Apple និយាយថា ទូរស័ព្ទដែលគ្មានការផ្លាស់ប្តូរនឹងបិទដោយខ្លួនឯង ព្រោះតែបច្ចេកវិទ្យាការពារមិនឲ្យមានការឆេះ ។
យោងតាមពាក្យបណ្តឹងមួយកាលពីថ្ងៃព្រហស្បតិ៍នៅ San Francisco អះអាងថា ការអសមត្ថភាពរបស់ថ្មទូរស័ព្ទក្នុងការផ្គត់ផ្គង់តាមតម្រូវការរបស់កម្លាំងម៉ាស៊ីន ត្រូវបានបិទបាំង។ Apple មិនបានព្យាយាមដោះស្រាយបញ្ហាថ្មដោយផ្តល់ជូនការផ្លាស់ប្តូរថ្មថ្មីមិនគិតថ្លៃទេ ប៉ុន្តែក្រុមហ៊ុននេះបែរជាព្យាយាមបិទបាំងបញ្ហាទៅវិញ ។
អ្នកប្រើប្រាស់នៅឆ្នាំមុនគិតថា បញ្ហា គឺមកពីទូរស័ព្ទដែលធ្វើឲ្យកម្មវិធីដំណើរការមិនបានល្អ ឬយឺត ហើយពួកគេជ្រើសរើសទិញទូរស័ព្ទថ្មីទៀត ។ ប៉ុន្តែតាមពិតទៅ ពួកគេអាចដោះស្រាយបញ្ហានេះបាន ដោយគ្រាន់តែផ្លាស់ប្តូរថ្មទូរស័ព្ទប៉ុណ្ណោះ ៕
ចែករំលែកព័តមាននេះ