រាជធានីភ្នំពេញ ៖ អង្គភាពប្រឆាំងអំពើពុករលួយហៅកាត់ថា ACU បានឲ្យដឹងថានាយកដ្ឋានប្រកាសទ្រព្យសម្បត្តិ និងបំណុលរបស់សម្រាប់ថ្ងៃអង្គារ៍ ទី ២៦ ខែធ្នូនេះ គឺអង្គភាពបានទទួលឯកសារប្រកាសទ្រព្យសម្បត្តិ និងបំណុលរបស់សមាសភាពគណបក្សសង្គ្រោះជាតិ បន្ទាប់ពីត្រូវរំលាយរូចមកមានចំនួន ៦០ រូប ដែលនាំឲ្យចំនួនសរុបនៃអ្នកប្រកាសទ្រព្យសម្បត្តិពីអតីតបក្សប្រឆាំង គឺមានចំនួនដល់ទៅ ៧៤៦ រូប។
យោងសេចក្តីជូនដំណឹងរបស់ ACU ដែលចុះហត្ថលេខាដោយលោក ចេង ប៊ុនឃៀង ប្រធាននាយកដ្ឋានប្រកាសទ្រព្យសម្បត្តិ និងបំណុលបានឲ្យដឹងថា នាយកដ្ឋានប្រកាសទ្រព្យសម្បត្តិ និងបំណុលនៃអង្គភាពប្រឆាំងអំពើរពុករលួយ បានបញ្ជាក់ថា ជារួមគិតត្រឹមថ្ងៃទី២៦ ខែធ្នូឆ្នាំ ២០១៧ ចំនួនទទួលបានសរុបចំនួន៧៤៦ រួមមាន៖
– តំណាងរាស្ត្រចំនួន៤០រូប និងទីប្រឹក្សា-ជំនួយការ ៣១រូប ដែលសរុបស្មើ៧១រូប។
- សមាជិកគណៈកម្មាធិការជាតិរៀបចំការបោះឆ្នោយ៣រូប
- សមាជិកក្រុមប្រឹក្សារាជធានី ខេត្តក្រុង ស្រុកខណ្ឌ និងឃុំ សង្កាត់ ៦៧២រូប ។
ជាមួយគ្នានោះដែរ អង្គភាពប្រឆាំងអំពើពុករលួយបានលើកទឹកចិត្តដល់អ្នកដែលជាប់កាតព្វកិច្ចប្រកាសទ្រព្យសម្បត្តិទាំងអស់ ត្រូវរួសរាន់ទៅបំពេញកាតព្វកិច្ចរបស់ខ្លួនដែលមានរយៈពេល៣០ថ្ងៃគិតពីថ្ងៃប្រកាសទទួល៕
ចែករំលែកព័តមាននេះ