រាជធានីភ្នំពេញ ៖ កម្លាំងសមត្ថកិច្ចការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញកាលពីថ្ងៃទី២៣ ខែធ្នូ ឆ្នាំ២០១៧ បានធ្វើការស្រាវជ្រាវឃាត់ខ្លួនជនសង្ស័យម្នាក់នៅចំណុចផ្លូវលេខ៣៦៩កែងនឹងផ្លូវ៦៤៤ ភូមិម៉ាក់ក្លឿ សង្កាត់ផ្សារអំពៅ១ ខណ្ឌច្បារអំពៅ ពាក់ព័ន្ធករណីប្រព្រឹត្តបទល្មើសលួចមានស្ថានទម្ងន់ទោសឆក់ទ្រព្យសម្បត្តិ…
រាជធានីភ្នំពេញ ៖ កម្លាំងសមត្ថកិច្ចការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញកាលពីថ្ងៃទី២៣ ខែធ្នូ ឆ្នាំ២០១៧ បានធ្វើការស្រាវជ្រាវឃាត់ខ្លួនជនសង្ស័យម្នាក់នៅចំណុចផ្លូវលេខ៣៦៩កែងនឹងផ្លូវ៦៤៤ ភូមិម៉ាក់ក្លឿ សង្កាត់ផ្សារអំពៅ១ ខណ្ឌច្បារអំពៅ ពាក់ព័ន្ធករណីប្រព្រឹត្តបទល្មើសលួចមានស្ថានទម្ងន់ទោសឆក់ទ្រព្យសម្បត្តិ ។
ជនសង្ស័យឈ្មោះ វន សុវណ្ណ ហៅ វុធ ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅផ្ទះលេខ១៥៦E១z ផ្លូវលេខ៥១ ក្រុម៥៩ ភូមិ១០ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ ។
បន្ទាប់ពីសមត្ថកិច្ចឃាត់ខ្លួនជនសង្ស័យបានសារភាពភាពថា គេធ្លាប់បានធ្វើសកម្មភាពចំនួន២ករណីក្រោយពេលចេញពីពន្ធនាគារវិញ ដែលជាប់៨ខែពាក់ព័ន្ធករណីឆក់នោះដែរ ។ ជនសង្ស័យបន្តថា ករណីទី១អំពើលួចមានស្ថានទម្ងន់ទោសឆក់កាបូបដៃ កាលពីវេលាម៉ោងប្រហែល៨នឹង២០យប់ ថ្ងៃទី២៩ ខែកញ្ញា ឆ្នាំ២០១៧ នៅចំណុចមុខផ្ទះលេខ១៦Eo ផ្លូវលេខ១១៣ ក្រុម៣១ ភូមិ៤ សង្កាត់បឹងព្រលឹត ខណ្ឌ៧មករា រាជធានីភ្នំពេញ ។ ជនរងគ្រោះជាជនជាតិចិន មុខរបរលក់ដូរ ដែលសម្ភារបាត់បង់ កាបូបដៃពណ៌ខ្មៅចំនួន១, ប្រាក់ដុល្លារ២០០០ដុល្លារ, ប្រាក់ហុងកុង៥០០០០, ប្រាក់ចិន៤០០០០, កាត ATM ៤សន្លឹក, អត្តសញ្ញាណប័ណ្ណសញ្ជាតិចិន និងលិខិតឆ្លងដែនជនជាតិចិន ។
ករណីទី២ អំពើលួចមានស្ថានទម្ងន់ទោសឆក់កាបូបដៃ កាលពីវេលាម៉ោងប្រហែល១០នឹង៣០យប់នាទីថ្ងៃទី២៩ ខែកញ្ញា ឆ្នាំ២០១៧ នៅចំណុចមុខរដ្ឋបាលព្រៃឈើ ផ្ទះលេខ៤០ ផ្លូវលេខ១៤៤ ភូមិ១០ សង្កាត់ផ្សារកណ្តាល២ ខណ្ឌដូនពេញ រាជធានីភ្នំពេញ ជនរងគ្រោះមិនបានដាក់ពាក្យបណ្តឹងទេ ។ ជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី ៕
ចែករំលែកព័តមាននេះ