ខេត្តឧត្តរមានជ័យ ៖ ឪពុកបង្កើតមានចិត្តជាសត្វតិរច្ឆានបានចាប់រំលោភសេពសន្ថវៈលើកូនស្រីរបស់ខ្លួន ដែលមានវ័យ១៥ឆ្នាំ ត្រូវប៉ូលិសស្រុកត្រពាំងប្រាសាទ ឃាត់ខ្លួនកាលពីវេលាម៉ោង១០ព្រឹកថ្ងៃទី២៤ ធ្នូ នៅនឹងផ្ទះជនរងគ្រោះ ស្ថិតក្នុងភូមិអូរសោម ឃុំអូរសោម…
ខេត្តឧត្តរមានជ័យ ៖ ឪពុកបង្កើតមានចិត្តជាសត្វតិរច្ឆានបានចាប់រំលោភសេពសន្ថវៈលើកូនស្រីរបស់ខ្លួន ដែលមានវ័យ១៥ឆ្នាំ ត្រូវប៉ូលិសស្រុកត្រពាំងប្រាសាទ ឃាត់ខ្លួនកាលពីវេលាម៉ោង១០ព្រឹកថ្ងៃទី២៤ ធ្នូ នៅនឹងផ្ទះជនរងគ្រោះ ស្ថិតក្នុងភូមិអូរសោម ឃុំអូរសោម ស្រុកត្រពាំងប្រាសាទ ។ ជនអគតិជាឪពុកឈ្មោះ សួន ធា អាយុ៣៦ឆ្នាំ រស់នៅក្នុងភូមិឃុំកើតហេតុខាងលើ ។
យោងតាមសម្តីកូនស្រីដែលរងគ្រោះបានឱ្យដឹងថា នាងជាកូនច្បងក្នុងចំណោមកូន៣នាក់ ហើយកន្លងទៅនេះ ឱ្យតែបងប្អូនឬម្តាយមិននៅផ្ទះ ឪពុករបស់នាងតែងតែចាប់នាងរំលោភ ធ្វើឱ្យរូបនាងអត់ទ្រាំមិនបាន ក៏សម្រេចចិត្តមកប្តឹងប៉ុស្តិ៍រដ្ឋបាលឃុំអូរសោម ដោយបានដាក់ពាក្យបណ្តឹងពីទង្វើរបស់ឪពុកដែលមានចិត្តតិរច្ឆានដូចសត្វធាតុបែបនេះ ។
ប៉ូលិសស្រុកត្រពាំងប្រាសាទបានឱ្យដឹងថា ក្រោយពីបានទទួលនូវពាក្យបណ្តឹងពីស្ត្រីរងគ្រោះ សមត្ថកិច្ចបានចុះទៅនាំខ្លួនជនសង្ស័យ ដែលជាឪពុកមកអធិការដ្ឋានស្រុកដើម្បីធ្វើការសាកសួរ ។ បុរសជាឪពុកបានសារភាពថា ខ្លួនពិតជាបានចាប់រំលោភសេពសន្ថវៈលើកូនស្រីបង្កើតរបស់ខ្លួន ដូចការចោទប្រកាន់មែន គឺសុំមិនប្រកែកទេ ។
យោងទៅលើពាក្យបណ្តឹងនិងយោងតាមការសារភាពសមត្ថកិច្ចបានកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់ហើយ ៕
ចែករំលែកព័តមាននេះ