ទីបំផុត គ.ជ.ប មានអ្នកនាំពាក្យបន្ថែមម្នាក់ទៀត!
- ភ្នំពេញ
រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោត ហៅកាត់ថា (គ.ជ.ប) បានសម្រេចតែងតាំងអ្នកនាំពាក្យថ្មីមួយរូបទៀត គឺលោក ឌឹម សុវណ្ណារុំ សម្រាប់ស្ថាប័នមួយនេះ។…
រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោត ហៅកាត់ថា (គ.ជ.ប) បានសម្រេចតែងតាំងអ្នកនាំពាក្យថ្មីមួយរូបទៀត គឺលោក ឌឹម សុវណ្ណារុំ សម្រាប់ស្ថាប័នមួយនេះ។ នេះបើយោងតាមសេចក្តីសម្រេចរបស់ គ.ជ.ប ចុះថ្ងៃទី ២២ ខែធ្នូ កន្លងទៅ។
សូមបញ្ជាក់ថា លោក ឌឹម សុវណ្ណារុំ ត្រូវបានសភាបោះឆ្នោតទុកចិត្តសម្រាប់តំណែងជាសមាជិក គ.ជ.ប មួយរួបជំនួសតំណែងទំនេរ ៣ កន្លែង ដែលសមាជិក គ.ជ.ប ចាស់បានលាលែងក្រោយពីការរំលាយចោលគណបក្សសង្គ្រោះជាតិ ដោយអំណាចសាលក្រមរបស់តុលាការកំពូល ថ្ងៃទី ១៦ ខែវិច្ឆិកា ឆ្នាំ២០១៧ ។
ដូច្នេះអ្នកនាំពាក្យរបស់ គ.ជ.ប ក្នុងសេចក្តីសម្រេចថ្មី គឺមានចំនួនពីររូប រួមមាន លោក ហង្ស ពុទ្ធា ដែលកាន់តួនាទីជាអ្នកនាំពាក្យកន្លងមក និងលោក ឌឹម សុវណ្ណារ៉ុម ជាអ្នកនាំពាក្យទី ២៕
ចែករំលែកព័តមាននេះ