រាជធានីភ្នំពេញ ៖ កម្លាំងនគរបាលផ្នែកអន្តរាគមន៍ និងនគរបាលផ្នែកសន្តិសុខ នៃអធិការដ្ឋាននគរបាលខណ្ឌពោធិ៍សែនជ័យ បានចុះធ្វើការបង្ក្រាបសង្វៀនជល់មាន់២ទីតាំងផ្សេងគ្នា ដែលមានបង្កប់ល្បែងអាប៉ោងនៅក្នុងនោះផងដែរ ដោយបានចាប់ខ្លួនក្រុមអ្នកញៀន ល្បែងខាងលើនោះចំនួន១០នាក់ ព្រមទាំងដកហូតបានមាន់ជល់៥ក្បាល…
រាជធានីភ្នំពេញ ៖ កម្លាំងនគរបាលផ្នែកអន្តរាគមន៍ និងនគរបាលផ្នែកសន្តិសុខ នៃអធិការដ្ឋាននគរបាលខណ្ឌពោធិ៍សែនជ័យ បានចុះធ្វើការបង្ក្រាបសង្វៀនជល់មាន់២ទីតាំងផ្សេងគ្នា ដែលមានបង្កប់ល្បែងអាប៉ោងនៅក្នុងនោះផងដែរ ដោយបានចាប់ខ្លួនក្រុមអ្នកញៀន ល្បែងខាងលើនោះចំនួន១០នាក់ ព្រមទាំងដកហូតបានមាន់ជល់៥ក្បាល រួមជាមួយម៉ូតូ និងរថយន្តមួយចំនួនទៀត ។ បន្ទាប់មកកម្លាំងបាននាំអ្នកញៀនល្បែងខាងលើ ទៅកាន់ផ្នែកព្រហ្មទណ្ឌនគរបាល ខណ្ឌពោធិ៍សែនជ័យ ដើម្បីសាកសួរ និងកសាងសំណុំរឿងចាត់ការតាមច្បាប់ ហើយការចាប់ខ្លួននោះគឺធ្វើឡើង ក្នុងខណៈដែល ក្រុមអ្នកញៀនល្បែងខាងលើកំពុងជួបជុំគ្នាជល់មាន់ និងចាក់អាប៉ោង ដោយដាក់ភ្នាល់លុយរាប់ពាន់ដុល្លារ។ ប្រតិបត្តិការខាងលើនោះបានចាប់ផ្ដើមធ្វើឡើង តាំងពីវេលាម៉ោង១១ និង២៥នាទីព្រឹក រហូតដល់វេលាម៉ោង៣ និង៣០នាទីរសៀល ថ្ងៃទី២៤ ខែធ្នូ ឆ្នាំ២០១៧ ដែលទីតាំងទី១ ស្ថិតនៅក្នុងព្រៃស្ថិតនៅក្នុងភូមិអន្លង់ស្វាយ សង្កាត់បឹងធំ ខណ្ឌពោធិ៍សែនជ័យ ត្រូវបានគេដឹងថាម្ចាស់ ទីតាំងគឺតារាចម្រៀងម្នាក់ ប៉ុន្តែមិនត្រូវបានគេស្គាល់ឈ្មោះនោះទេ។
ចំណែកទីតាំងទី២ នៅចំណុចដីវាលស្ថិតនៅ ខាងក្រោយរោងចក្រកាត់ដេរ សាន់ស្កាយ ស្ថិតនៅក្នុងភូមិត្រពាំងពោធិ៍ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ មិនត្រូវបានគេស្គាល់ឈ្មោះម្ចាស់សង្វៀននោះទេ។ នគរបាលបានឲ្យដឹងថា ការបង្ក្រាបទីតាំងសង្វៀនជល់មាន់ និងអាប៉ោងទី១ របស់តារាចម្រៀងម្នាក់នោះកម្លាំងធ្វើការចាប់ ខ្លួនមនុស្សបានចំនួន៥នាក់ និងមាន់ជល់ចំនួន៣ក្បាល ហើយកម្លាំងបានធ្វើការរុះរើសង្វៀននោះចោលតែម្ដង ចំណែកតារាចម្រៀង ដែលជាម្ចាស់សង្វៀនមួយនេះ មិនត្រូវបានចាប់ខ្លួនបាននោះទេបានគេចខ្លួនរួច ហើយទីតាំងមួយនេះមានមនុស្សចូលទៅលេង យ៉ាងពពាក់ពពូន និងមានការចាក់ភ្នាល់មួយគូៗរាប់ពាន់ដុល្លារ។ ចំណែកអាប៉ោង និងបៀវិញក៏ បានចាក់ក្នុងមួយ ដៃៗរាប់សែនរាប់រៀលដែរ។ ម្យ៉ាងអ្នកដែលចូលចិត្តខាងលេងមាន់គឺពួកគេមានមាន់ជល់ពូជល្អៗ យកទៅប្រយុទ្ធគ្នាហើយអ្នកឈ្នះ បានស្រែកហ៊ោកញ្ជៀវលាន់ឮ កងរំពងរាល់ថ្ងៃ មិនខ្លាចញញើតទៅនឹងច្បាប់ហាមឃាត់ឡើយ ចំណែកអ្នកចូលចិត្តលេងបៀ អាប៉ោងបាននាំគ្នាចូលទៅលេងរហូតភ្លេចបាយភ្លេចទឹក និងមិនបានគិតពីការងាររកស៊ីនោះទេ ហើយមានអ្នកខ្លះត្រូវប្រពន្ធទៅជេរ ដល់កន្លែងនោះក៏នៅតែមិនឈឺក្បាលទៀត។
ប្រភពដដែលបានបន្តទៀតថា ទីតាំងសង្វៀននេះ បានបើកលេងយូរមកហើយដែរ ប៉ុន្តែអាជ្ញាធរមូលដ្ឋានមួយនេះមិនបានហ៊ានរាយការណ៍ ជូនថ្នាក់លើឲ្យបានដឹងផងទេ ហាក់មានការខ្លាចញញើតចំពោះអំណាច ឬត្រូវថ្នាំសណ្ដំរបស់ម្ចាស់សង្វៀនមួយនេះ។ ប៉ុន្តែទោះជាគ្មានការរាយការណ៍ឲ្យដឹងក៏ដោយ ប៉ុន្តែកម្លាំងនគរបាលខាងលើបានធ្វើការស្រាវជ្រាវ ហើយមានប្រជាពលរដ្ឋដែលមានការស្អប់ ខ្ពើមចំពោះល្បែងស៊ីសងខុសច្បាប់ខាងលើ បានលួចរាយការណ៍ជូនកម្លាំងឲ្យជួយចុះទៅបង្ក្រាប។ បន្ទាប់ពីទទួលបានព័ត៌មាននោះភ្លាមកម្លាំងបានចុះទៅធ្វើការបង្ក្រាប ហើយពេលទៅដល់ឃើញមានមនុស្សរាប់រយនាក់កំពុងលេងនៅទីនោះ ហើយបាននាំគ្នារត់ គេចខ្លួនយ៉ាងប្រសេចប្រសាច ដោយកម្លាំងឃាត់បានតែ៥នាក់ រួមជាមួយមាន់ជល់៣ក្បាល រួមជាមួយម៉ូតូ និងរថយន្តមួយចំនួនប៉ុណ្ណោះ។ ប្រភពខាងលើបានបន្តទៀតថា ដោយឡែកសង្វៀនជល់មាន់ និងវង់អាប៉ោងទី២ ស្ថិតនៅនៅចំណុចដីវាលស្ថិតនៅ ខាងក្រោយ រោងចក្រកាត់ដេរយីហោ សាន់ស្កាយ ក្នុងភូមិត្រពាំងពោធិ៍ សង្កាត់ចោមចៅ៣ ហើយកម្លាំងបានឃាត់ខ្លួនមនុស្សបានចំនួន៥នាក់ រួមជាមួយមាន់គក២ក្បាល និងម៉ូតូមួយចំនួន ហើយសង្វៀនមួយនេះ គឺជាសង្វៀនចល័ត ដែលមានមនុស្សចូលលេងច្រើន ដែលពួកគេលេងតាម បែបឆក់កណ្ដៀត មិនមែនលេងជាប់រាល់ថ្ងៃនោះទេ ដោយ១ថ្ងៃ ឬ២ថ្ងៃលេងកន្លែងនឹង ហើយ១ថ្ងៃ ឬ២ថ្ងៃទៀតប្ដូរទៅលេងកន្លែង ផ្សេងទៀត។
ការចល័តបែបនេះគឺដើម្បីគេចចេញពីការតាមចាប់ខ្លួនរបស់នគរបាល ហើយអ្នកខ្លះ ក៏ឈ្នះបានលុយត្រឡប់ទៅផ្ទះវិញ ចំណែកអ្នកខ្លះទៀតក៏ចាញ់អស់គូទខោ អស់ទាំងលុយទាំងម៉ូតូ ប៉ុន្តែទោះបីជាពួកគេខិតខំចល័តម្ដងទៅនេះ ម្ដងទៅនោះបែបណាក្ដី ក៏មិនអាចគេចផុតពីក្រសែភ្នែករបស់កម្លាំងនគរបាលបានដែរ ជាពិសេសប្រជាពលរដ្ឋដែលបានដឹង ក៏លួចរាយការណ៍ជូនកម្លាំងឲ្យចុះទៅបង្ក្រាបតែម្ដង។ ប្រភពដដែលបានបន្តទៀតថា ពីមុនសង្វៀនជល់មាននីមួយៗបើបើកលេងហើយគឺគេរៀបចំស្អាត និងត្រឹមត្រូវណាស់ ហើយតែងតែ មានបង្កប់ល្បែងអាប៉ោងបៀរនៅក្នុងនោះ មិនដែលខានឡើយ មិនតែប៉ុណ្ណោះអ្នកបង្កើតសង្វៀន និងទីតាំងល្បែងស៊ីសងនោះ ប្រមូលលុយតុងរាប់រយដុល្លារក្នុងមួយថ្ងៃៗ រីកមុខរីកមាត់ខ្លាំងណាស់។
ប៉ុន្តែចំពោះអាជ្ញាធរ និងសមត្ថកិច្ចជាពិសេសនគរបាល មិនបានទុកឲ្យល្បែងស៊ីសងបែបនេះ ដំណើរការនៅក្នុងភូមិសាស្ត្ររបស់ខ្លួននោះឡើយ តែងតែចុះបង្ក្រាបជាបន្តបន្ទាប់ ដែលជាហេតុធ្វើឲ្យក្រុមអ្នកញៀនល្បែងទាំងនោះ មិនអាចបើកលែងនៅនឹងមួយកន្លែងបានទេ ក៏បានបែកគំនិតខលទាក់ទងគ្នា ណាត់ជួបគ្នាជល់បែបឆក់កណ្ដៀត និងចាក់អាប៉ោងបែបឆក់កណ្ដៀតដែរ ដោយម្ដងលេងនៅកន្លែងនេះនិងម្ដងទៅលេងកន្លែងនោះ មិនពិតប្រាកដឡើយ។ ពួកគេមិនមែនញៀនត្រឹមតែការសប្បាយធម្មតាទេ តែបានបង្កើតល្បែងស៊ីសងឡើង ធ្វើជាមុខរបររកស៊ីប្រចាំថ្ងៃតែម្ដង។ ដោយឡែកកម្លាំងនគរបាលបានចុះធ្វើការស្រាវជ្រាវជាប់ជាប្រចាំដែរ ហើយឲ្យតែបានដឹងច្បាស់ពីទីតាំងគឺចុះទៅបង្ក្រាប និងចាប់ដោយគ្មានការយោគយល់ឡើយ ព្រោះបទល្មើសផ្សេងៗមានដូចជាចោរលួច ឆក់ប្លន់ និងអំពើហិង្សាក្នុងគ្រួសារ ជាដើមបានកើតចេញពីល្បែងស៊ីសងនេះឯង៕
https://youtu.be/s-Sn3sdIL6E
ចែករំលែកព័តមាននេះ