ស្ត្រីតែងតែមានបំណងរៀបចំឲ្យមានការថ្នាក់ថ្នមបន្ថែមទៀតក្រោយពីរួមភេទរួច ប៉ុន្តែអ្វីដែលគួរឲ្យឆ្ងល់នោះគឺបុរសច្រើនតែបោះបង់ឱកាសនេះ ហើយទុកឲ្យស្ត្រីនៅតែម្នាក់ឯងទៅវិញ ។ ស្ត្រីភាគច្រើនយល់ថា វាគឺជាសញ្ញាមួយនៃការបាត់បង់ចំណង់របស់បុរស ។ ប៉ុន្តែមានហេតុផលបែបជីវសាស្ត្រមួយដែលថា មនុស្សប្រុសមាននិន្នាការងងុយដេកក្រោយពីរួមភេទរួច ។…
ស្ត្រីតែងតែមានបំណងរៀបចំឲ្យមានការថ្នាក់ថ្នមបន្ថែមទៀតក្រោយពីរួមភេទរួច ប៉ុន្តែអ្វីដែលគួរឲ្យឆ្ងល់នោះគឺបុរសច្រើនតែបោះបង់ឱកាសនេះ ហើយទុកឲ្យស្ត្រីនៅតែម្នាក់ឯងទៅវិញ ។ ស្ត្រីភាគច្រើនយល់ថា វាគឺជាសញ្ញាមួយនៃការបាត់បង់ចំណង់របស់បុរស ។ ប៉ុន្តែមានហេតុផលបែបជីវសាស្ត្រមួយដែលថា មនុស្សប្រុសមាននិន្នាការងងុយដេកក្រោយពីរួមភេទរួច ។
ការដេកក្រោយពីរួមភេទរួចមិនមែនជាជំនឿមិនត្រឹមត្រូវឡើយ ប៉ុន្តែមានការស្រាវជ្រាវមួយដែលអះអាងថា មនុស្សប្រុសតែងតែអស់កម្លាំង និងត្រូវការដេកក្រោយពីរួមភេទរួច។ អ៊័រម៉ូន និងសារធាតុគីមីខុសៗគ្នាដែលត្រូវបានបញ្ចេញក្នុងរាងកាយក្រោយពីបាញ់ទឹកកាមរួច មាននាទីជំរុញឲ្យងងុយដេក ព្រមទាំងបន្ថយឱកាសធ្វើឲ្យបុរសអាចបន្តទៅតង់ទីពីរថែមទៀត ។ មានសារធាតុគីមី និងអ៊័រម៉ូនច្រើនណាស់ដែលត្រូវបានបញ្ចេញក្រោយពីបាញ់ទឹកកាមរួចដែលធ្វើឲ្យបុរសងងុយដេក ។
ប្រូឡាក់ទីន
ការសប្បាយខាងផ្លូវភេទធ្វើឲ្យបញ្ចេញអ៊័រម៉ូនមួយនេះ សម្រាប់ជំរុញឲ្យងងុយដេក ។ បើសិនជាអ្នកចង់ជម្នះអ៊័រម៉ូនមួយនេះ អ្នកគួរតែជ្រើសរើសប្រើសារធាតុដូប៉ាមីនវិញ (Dopamine) ។ ដូប៉ាមីនគឺជាសារធាតុបង្កើនអារម្មណ៍ព្រមទាំងជួយបន្ថយប្រសិទ្ធភាពរបស់ប្រូឡាក់ទីនក្នុងរាងកាយទៀតផង ។
អុកស៊ីតូស៊ីន
អ៊័រម៉ូនស្នេហាមួយនេះក៏ត្រូវបានបញ្ចេញដែរ ព្រមទាំងជួយឲ្យរាងកាយសម្រាក ។ វាធ្វើឲ្យបុរសមានអារម្មណ៍ងងុយដេកក្រោយពីទទួលបានពិសោធន៍សប្បាយខាងផ្លូវភេទរួច។
វ៉ាសូប្រេសស៊ីន (Vasopressin)
អ៊័រម៉ូនមួយនេះធ្វើឲ្យសរសៃឈាមតឹង និងដើរតួនាទីយ៉ាងសំខាន់ក្នុងការថែរក្សាចរន្តក្នុងរាងកាយឲ្យមានស្ថិរភាព ។ អ៊័រម៉ូនមួយនេះត្រូវបានបញ្ចេញដោយផ្ទាល់ក្នុងខួរក្បាល និងមាននិន្នាការធ្វើឲ្យរាងកាយសម្រាក ។
សារធាតុបញ្ចូនសញ្ញាសរសៃប្រសាទ៖ Serotonin, Norepinephrine និង Nitric Oxide
អ៊័រម៉ូនទាំងនេះគឺជាសារធាតុបញ្ជូនសញ្ញាសរសៃប្រសាទដ៏សំខាន់សម្រាប់ធ្វើឲ្យរាងកាយសម្រាក ។ សារធាតុ Nitric Oxide ត្រូវបានបញ្ចេញទៅក្នុងលិង្គ ។
ប្រើថាមពលលើរាងកាយ
ជាទូទៅទៅបុរសប្រើប្រាស់ថាមពលរបស់រាងកាយក្នុងពេលរួមភេទខ្លាំងជាងស្ត្រីទៅទៀត។ ដូច្នេះមនុស្សប្រុសខ្លួនឯងត្រូវតែអស់កម្លាំងច្រើនជាងមិនខាន ៕
ចែករំលែកព័តមាននេះ