«ញូវយ៉កថែម» របស់អាមេរិកបានបង្ហាញម្ចាស់ភូមិគ្រឹះដ៏ស្រស់ស្អាត «Chateau Louis XIV» ដែលទិញនៅឆ្នាំ២០១៥ ក្នុងតម្លៃ២៩៩លានដុល្លារ គឺជាភូមិគ្រឹះមានតម្លៃថ្លៃបំផុតនៅលើពិភពលោកក្នុងពេលបច្ចុប្បន្ន ។ ញូវយ៉កថែម…
«ញូវយ៉កថែម» របស់អាមេរិកបានបង្ហាញម្ចាស់ភូមិគ្រឹះដ៏ស្រស់ស្អាត «Chateau Louis XIV» ដែលទិញនៅឆ្នាំ២០១៥ ក្នុងតម្លៃ២៩៩លានដុល្លារ គឺជាភូមិគ្រឹះមានតម្លៃថ្លៃបំផុតនៅលើពិភពលោកក្នុងពេលបច្ចុប្បន្ន ។
ញូវយ៉កថែម បញ្ជាក់ថា ភូមិគ្រឹះដែលមានក្រឡាផ្ទៃដ៏ធំស្កឹមស្កៃនេះស្ថិតនៅភាគខាងជើងប្រទេសបារាំងត្រូវបានទិញ-លក់តាមរយៈក្រុមហ៊ុនតំណាងជាច្រើននៅប្រទេសបារាំង និងលុចសំបួរ ហើយក្រុមហ៊ុនទាំងនោះស្ថិតក្រោមការចាត់ចែងរបស់ព្រះអង្គម្ចាស់ម៉ូហាម៉េដ ប៊ីន សាលម៉ាន់ នៃប្រទេសអារ៉ាប៊ីសាអូឌីត ។
ភូមិគ្រឹះមួយខ្នងនោះសាងសង់រួចរាល់នៅឆ្នាំ២០១១ ជាស្ថាបត្យកម្ម និងតុបតែងបែបបារាំងយកលំនាំនៅក្នុងសតវត្សទី១៧ ដោយតុបតែងលម្អយ៉ាងស្រស់ស្អាត និងទាន់សម័យ ។ នៅផ្នែកខាងក្នុងភូមិគ្រឹះមានសារមន្ទីរសត្វទឹក និងរោងភាពយន្ត ។
ឯតទគ្គកម្មភូមិគ្រឹះស្នាក់នៅថ្លៃបំផុតនៅលើពិភពលោកនៅសម័យមុន គឺអគារPenthouses នៅក្រុងឡុងដ៍ចក្រភពអង់គ្លេសបានលក់នៅឆ្នាំ២០១១ ក្នុងតម្លៃ២២១លានដុល្លារ ។
ចាប់តាំងពីបានទទួលការតែងតាំងតំណែងជាអ្នកដឹកនាំប្រទេសមក ព្រះអង្គម្ចាស់ម៉ូហាម៉េដ ប៊ីនសាលម៉ាន បានប្រកាសគោលនយោបាយចម្បងក្នុងការបោសសម្អាតអំពើទុច្ចរិតនៅគ្រប់ផ្នែក ដោយគ្មានការលើកលែង រួមទាំងមន្ត្រីនយោបាយជាន់ខ្ពស់ និងក្នុងចំណោមសែស្រឡាយរាជវង្សផងដែរ ។
រដ្ឋាភិបាលបានប៉ាន់ប្រមាណថា ក្នុងអំឡុងពេលជាច្រើនឆ្នាំកន្លងមក ការខាតបង់ពីអំពើពុករលួយនានាមានតម្លៃខ្ពស់ដល់ទៅ១០០.០០០លានដុល្លារ ៕
ចែករំលែកព័តមាននេះ