ឥណ្ឌូនេស៊ី ៖ តាមប្រភពព័ត៌មាន Viral4real បានឲ្យដឹងថា តាចាស់អាយុ៨៨ឆ្នាំម្នាក់ ត្រូវទទួលបន្ទុកមើលថែចៅស្រីមានជំងឺ បន្ទាប់ពីម្តាយឪពុករបស់នាងបានស្លាប់ចោលអស់។ ចៅស្រីរបស់គាត់មានជំងឺចម្លែកតាំងពីកំណើតដែលគ្មានថ្នាំព្យាបាល។
លោកតា Toton អាយុ៨៨ឆ្នាំ ដែលកំពុងរស់នៅកោះជ្វាខាងលិច ប្រទេសឥណ្ឌូនេស៊ី ត្រូវមើលថែចៅស្រីអាយុ១៧ឆ្នាំ ឈ្មោះ Syifa ដែលមានជំងឺម្យ៉ាងហៅថា «Malabsorption Syndrome»។ វាគឺជាជំងឺពីកំណើតដែលខ្លួនប្រាណរបស់នាងមិនអាចស្រូបយកសារធាតុចិញ្ចឹមពីអាហារបានឡើយ។ ដូចនេះហើយ ទើបនាងមានតែស្បែកដណ្តប់ឆ្អឹង ហើយដើរទៅណាមិនរួច។
ដោយសារតែគ្មានជម្រើស តារបស់នាងត្រូវបង្ខំចិត្តមើលថែនាងតាំងពីនាងកើតមក រហូតសព្វថ្ងៃ។ ម្តាយឪពុករបស់នាងបានស្លាប់ចោលនាង ដោយសារតែគ្រោះថ្នាក់ចរាចរណ៍។
លោកតា Toton ធ្លាប់ជាទាហានកាលពីនៅមានកម្លាំង។ គាត់បានចូលនិវត្តន៍ហើយ តែមិនទទួលបានប្រាក់ចូលនិវត្តន៍ទាល់តែសោះ។ នេះបានចំជាក្រហើយទាល់ថែមទៀត។ រាល់ថ្ងៃទាំងពីរនាក់ចៅ និងតារស់ ដោយសារតែដំណាំបន្លែបន្លុកបន្តិចបន្តួចនៅជុំវិញផ្ទះ។
នេះបង្ហាញឲ្យឃើញថា ទោះបីជាតាចាស់យ៉ាងណាក៏ដោយ ក៏មិនហ៊ានទុកចៅចោលដែរ ដោយសារតែនេះ គឺជាទឹកចិត្តស្រឡាញ់មិនអាចកាត់ថ្លៃបាន៕
ចែករំលែកព័តមាននេះ