រាជធានីភ្នំពេញ ៖ រថយន្តលុចស៊ិស RX៣៣០ មួយគ្រឿង បានបើកមកឈប់រងចាំភ្លើងស្តុប ក៏ត្រូវបុរសម្នាក់បានបើករថយន្តដឹកគ្រឿងចក្រអេស្ការវ៉ាទ័រ បានជ្រុលទៅបុកចំពីក្រោយពេញទំហឹង បណ្ដាលឲ្យរងការខូចខាតរថយន្តទាំងសងខាង តែសំណាងល្អមិនមានគ្រោះថ្នាក់ដល់អ្នកមនុស្សនោះទេ ហេតុការណ៍នេះដែរ បានកើតឡើងនៅវេលាម៉ោង១០យប់ ថ្ងៃទី២១ ខែធ្នូ ឆ្នាំ២០១៧ ទុលមុខនិងវិទ្យាល័យបឹងត្របែក សង្កាត់បឹងត្របែក ខណ្ឌចំការមន ។
តាមប្រភពព័ត៌មានពីកន្លែងកើតបានឲ្យដឹងថា មុនពេលកើតហេតុ គេបានឃើញបុរសម្នាក់ អាយុប្រហែល៤០ឆ្នាំ បានបើករថយន្តម៉ាកឡិចស៊ីស RX៣៣០ ពណ៌ទឹកមាស ពាក់ស្លាកលេខ ភ្នំពេញ ២T-៣៩៦៨ ធ្វើដំណើរតាមផ្លូវព្រះមុនីវង្ស ក្នុងទិសដៅពីជើងទៅត្បូង ខណៈមកដល់ចំណុចកើតហេតុ រថយន្តបានឈប់រងចាំភ្លើងស្តុប ស្រាប់តែនោះមានបុរសម្នាក់ អាយុ៣០ឆ្នាំ បានបើករថយន្តសណ្ដោងដឹកគ្រឿងចក្រអេស្ការវ៉ាទ័រ ពណ៌ស ពាក់ស្លាកលេខ ៣C-០៤១៣ បានធ្វើដំណើរតាមផ្លូវមុនីវង្សក្នុងទិសដៅស្របគ្នា ក្នុងល្បឿនលឿន ចាប់ហ្វ្រាំងមិនទាន់ ហើយណាមួយរថយន្តដឹកធ្ងន់ផងនោះ បានជ្រុលទៅបុកគូថក្រោយរថយន្តឡិចស៊ីស ដែលកំពុងឈប់រង់ចាំភ្លើងស្តុបពីក្រោយពេញទំហឹង បណ្ដាលឲ្យរថយន្តឡិចស៊ីស រងការខូចខាតក្រពិត និងបែកកញ្ចក់ខាងក្រោយ តែមិនមានគ្រោះថ្នាក់ដល់អ្នកជិះក្នុងរថយន្តនោះទេ ។
ដោយឡែករថយន្តបង្កវិញ រងការខូចខាតក្រពិតផ្នែកខាងមុខចំហៀងខាងស្តាំ កៀបជាប់នឹងរថយន្តឡិចស៊ីស តែមិនមានគ្រោះថ្នាក់ដល់អ្នកបើកបរដូចគ្នា ។
ក្រោយពេលកើតហេតុ មានតំណាងភាគីទាំសងខាងបានមកធ្វើការសម្របសម្រួលគ្នា ដោយខាងរថយន្តឡិចស៊ីសទារសំណងចំនួន៣ពាន់ដុល្លារ តែខាងរថយន្តបង្កអត់មានដំណោះស្រាយ រថយន្តទាំងពីរគ្រឿងត្រូវបានសមត្ថកិច្ចជំនាញធ្វើការវាស់វែងយកទៅរក្សារនៅការរិយាល័យចរាចរណ៍ជើងគោក រាជធានីភ្នំពេញ ដើម្បីរង់ចាំធ្វើការដោះស្រាយនៅពេលក្រោយជាបន្តទៀត ៕
ចែករំលែកព័តមាននេះ