ខេត្តខេត្តកំពត ៖ ម៉ូតូចំនួន៨គ្រឿងដែលអធិការដ្ឋាននគរបាលស្រុកជុំគីរីដកហូតសង្ស័យជាផលចោរកម្មនាពេលកន្លងមក ហើយលោកស្នងការខេត្តបានប្រកាសផ្សព្វផ្សាយ និងអំពាវស្វែងរកម្ចាស់ដែលបានបាត់ ម៉ូតូដោយចោរលួចចោរប្លន់ និងករណីផ្សេងៗនាពេលថ្មីៗនេះ នៅថ្ងៃទី១៩ ខែធ្នូ ឆ្នាំ២០១៧…
ខេត្តខេត្តកំពត ៖ ម៉ូតូចំនួន៨គ្រឿងដែលអធិការដ្ឋាននគរបាលស្រុកជុំគីរីដកហូតសង្ស័យជាផលចោរកម្មនាពេលកន្លងមក ហើយលោកស្នងការខេត្តបានប្រកាសផ្សព្វផ្សាយ និងអំពាវស្វែងរកម្ចាស់ដែលបានបាត់ ម៉ូតូដោយចោរលួចចោរប្លន់ និងករណីផ្សេងៗនាពេលថ្មីៗនេះ នៅថ្ងៃទី១៩ ខែធ្នូ ឆ្នាំ២០១៧ ក៏មានជន រងគ្រោះមកពីតាមបណ្តាខេត្ត និងរាជធានីមកទទួល យកម៉ូតូរបស់ខ្លួនពីស្នងការខេត្តកំពតចំនួន៣គ្រឿងម្តងរួចមកហើយនៅសល់ម៉ូតូចំនួន៥គ្រឿងទៀត ។
លោកវរសេនីយឯក សៅ សំអឿន ស្នងការរងទទួលផែនព្រហ្មទណ្ឌបានឲ្យដឹងថា នៅថ្ងៃទី២១ ខែធ្នូ ឆ្នាំ២០១៧ ឆ្លងតាមការផ្សព្វផ្សាយ និងអំពាវតាមរយៈសារព័ត៌មានយើងបានទទួលជនរងគ្រោះ ជាម្ចាស់ម៉ូតូបានម្នាក់ទៀតហើយ ម៉ូតូនេះអធិការស្រុកជុំគីរីបានដកហូតកាលពីថ្ងៃទី១៦និង១៧ ខែធ្នូ ឆ្នាំ២០១៧ សង្ស័យពីបទផលចោរកម្ម ។
លោកស្នងការរងបានបញ្ជាក់បន្ថែមថា ម៉ូតូបានប្រគល់ឲ្យម្ចាស់ដើម វិញអស់ចំនួន៤គ្រឿងហើយនៅសល់៤គ្រឿងទៀតកំពុងស្វែងរកម្ចាស់ឲ្យមកទទួលយករបស់ខ្លួនវិញនៅស្នងការដ្ឋាននគរបាលខេត្តកំពតដោយភ្ជាប់មកនូវឯកសារពាក់ព័ន្ធម៉ូតូផង ៕
ចែករំលែកព័តមាននេះ