រាជាធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នៅវេលាម៉ោងប្រមាណ៨នឹង២០នាទីព្រឹកថ្ងៃទី២២ ខែធ្នូ ឆ្នាំ២០១៧ នេះមានករណីបង្កការភ្ញាក់ផ្អើលយ៉ាងខ្លាំងនៅមុខនឹងអាកាសយានដ្ឋានអន្តរជាតិភ្នំពេញ ។ តាមសេចក្តីរាយការណ៍បានឱ្យដឹងថា…
រាជាធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នៅវេលាម៉ោងប្រមាណ៨នឹង២០នាទីព្រឹកថ្ងៃទី២២ ខែធ្នូ ឆ្នាំ២០១៧ នេះមានករណីបង្កការភ្ញាក់ផ្អើលយ៉ាងខ្លាំងនៅមុខនឹងអាកាសយានដ្ឋានអន្តរជាតិភ្នំពេញ ។
តាមសេចក្តីរាយការណ៍បានឱ្យដឹងថា មានអ្នកដំណើរ និងអ្នកដែលរស់នៅក្បែរកន្លែងកើតហេតុដែលស្ថិតនៅតាមបណ្តោយផ្លូវសហព័ន្ធរុស្ស៊ីមុខច្រកចូលទល់មុខនឹងក្រុមហ៊ុន Cat ស្ថិតនៅក្នុងភូមិក្បាលដំរី១ សង្កាត់កាកាប ខណ្ឌពោធិ៍សែនជ័យ ដែលត្រូវបានគេប្រទះឃើញប្រអប់ខ្មៅមួយយ៉ាងចម្លែង ដែលគ្រប់គ្នាភ័យស្លន់ស្លោសង្ស័យថា ជាប្រអប់គ្រាប់បែក ។ ភ្លាមៗនោះដែរក៏មានអ្នករាយការណ៍ជាបន្ទាន់ទៅកាន់សមត្ថកិច្ចមូលដ្ឋានឱ្យចុះមកត្រូវពិនិត្យជាបន្ទាន់ផងដែរ ។
បើតាមប្រភពពីសមត្ថកិច្ចក្រោយចុះត្រួតពិនិត្យបានបញ្ជាក់ថា នៅក្នុងប្រអប់ខ្មៅនោះមិនបានអ្វីក្រៅពីកញ្ឆាក្រៀមចំនួន៤២៦ដុំនោះទេ ដែលសមត្ថកិច្ចបានសន្និដ្ឋានថា មានឈ្មួញទុច្ចរិចបំរុងនឹងនាំចេញទៅក្រៅប្រទេសតាមជើងហោះហើរ ប៉ុន្តែមិនអាចនាំចេញបានទើបយកទៅទុកចោលនៅមុខអាកាសយានដ្ឋានបែបនោះទៅ ។ នៅពេលនេះសមត្ថកិច្ចបាននាំយកប្រអប់ខ្មៅនោះទៅត្រួតពិនិត្យបន្ថែម ដើម្បីស្រាវជ្រាវថា មានសារធាតុអ្វីផ្សេងទៀតឬយ៉ាងណានៅក្នុងប្រអប់ខ្មៅនោះ ៕
ចែករំលែកព័តមាននេះ