រាជធានីភ្នំពេញ ៖ ក្រុមជនជាប់សង្ស័យពាក់ព័ន្ធករណីគ្រឿងញៀនប្រុសស្រីចំនួនចំនួន៤នាក់(ស្រី ២នាក់) ក្នុងនោះមានពីរនាក់ជាប្តីប្រពន្ធនឹងគ្នា ត្រូវបានកម្លាំងសម្ថកិច្ចរបស់នគរបាលប៉ុស្តិ៍ផ្សារដើមថ្កូវ ចាប់ឃាត់ខ្លួន ខណៈដែលពួកគេកំពុងតែធ្វើសកម្មភាពចែកចាយ ហើយកម្លាំងល្បាតទៅដល់ បាចថ្នាំញៀនចំនួន…
រាជធានីភ្នំពេញ ៖ ក្រុមជនជាប់សង្ស័យពាក់ព័ន្ធករណីគ្រឿងញៀនប្រុសស្រីចំនួនចំនួន៤នាក់(ស្រី ២នាក់) ក្នុងនោះមានពីរនាក់ជាប្តីប្រពន្ធនឹងគ្នា ត្រូវបានកម្លាំងសម្ថកិច្ចរបស់នគរបាលប៉ុស្តិ៍ផ្សារដើមថ្កូវ ចាប់ឃាត់ខ្លួន ខណៈដែលពួកគេកំពុងតែធ្វើសកម្មភាពចែកចាយ ហើយកម្លាំងល្បាតទៅដល់ បាចថ្នាំញៀនចំនួន ៣កញ្ចប់តូចទៅលើដីនោះ។ ករណីបង្ក្រាបនេះដែរបានធ្វើឡើងកាលពីវេលាម៉ោង១ និង ១៥នាទីថ្ងៃត្រង់ ថ្ងៃទី២១ ខែធ្នូ ឆ្នាំ២០១៧ នៅចំណុចមុខផ្ទះគ្មានលេខ ច្រកឌឿងហែមផ្លូវព្រះមុនីវង្ស (ខាងក្រោយក្រុមហ៊ុនឃ្យូប៊ី) ក្នុងសង្កាត់ផ្សារដើមថ្កូវ ខណ្ឌចម្ការមន។
តាមប្រភពព័ត៌មានពីនគរបាលបានប្រាប់ឱ្យដឹងថា ក្រុមជនសង្ស័យទាំង ៤នាក់ដែលបានឃាត់ខ្លួនមានទី១-ឈ្មោះ សូ ពិសាល ភេទប្រុស អាយុ១៧ឆ្នាំ មុខរបរកម្មករសំណង់ ទី២-ឈ្មោះ ជួប ម៉ារីណែត ភេទស្រី អាយុ២២ឆ្នាំ ជានារីបម្រើការងារនៅហាងខារ៉ាអូខេយីហោ ត្រជាក់ចិត្តថ្មី ទាំងពីរនាក់ជាប្តីប្រពន្ធនឹងគ្នា មានទីលំនៅ ផ្ទះជួលគ្មាលេខ ក្នុងសង្កាត់ផ្សារដើមថ្កូវ ខណ្ឌចម្ការមន ទី៣-ឈ្មោះ វង្ស តុលា ភេទប្រុស អាយុ២៤ឆ្នាំ មុខរបរកម្មករសំណង់ មានទីលំនៅក្នុងសង្កាត់ច្បារអំពៅទី២ ខណ្ឌច្បារអំពៅ និងទី៤-ឈ្មោះ ឡាយ គន្ធា ភេទស្រី អាយុ១៨ឆ្នាំ មុខរបរបម្រើការងារនៅហាងខារ៉ាអូខេគ្រួសារមួយកន្លែង ស្នាក់នៅផ្ទះជួលគ្មានលេខ ច្រកឌឿងហែមផ្លូវព្រះមុនីវង្ស ក្នុងសង្កាត់ផ្សារដើមថ្កូវ ខណ្ឌចំការមន។
តាមប្រភពដដែបានប្រាប់បន្តទៀតថា មុនពេលកើតហេតុកម្លាំងនគរបាលប៉ុស្តិ៍ផ្សារដើមថ្កូវ បាននាំគ្នាធ្វើការដើរល្បាតនៅក្នុងមូលដ្ឋានរបស់ខ្លួនដូចសព្វមួយដង លុះទៅដល់ចំណុចកើតហេតុខាងលើក៏ស្រាប់តែបានប្រទះឃើញមនុស្សប្រុស ស្រីចំនួនកំពុង តែឈរធ្វើសកម្មភាពចែកចាយថ្នាំញៀន ក៏បានប្រទះឃើញថ្នាំញៀនចំនួន ៣កញ្ចប់តូចនៅលើដីដែលពួក គេបាចចោល ដើម្បីបភ័ន្តកម្លាំងមានសម្ថកិច្ច ហើយធ្វើការចាប់ឃាត់ខ្លួនពួកគេតែម្តង។ ក្រោយពេលកើតហេតុ កម្លាំងល្បាតក៏បាននាំខ្លួនក្រុមជនសង្ស័យប្រុស ស្រីទាំង៤នាក់ ដែលជាប់ពាក់ព័ន្ធករណីគ្រឿងញៀនខាងលើទរួមទាំងថ្នាំញៀនទាំង ៣កញ្ចប់តូចជាវត្ថុតាង នាំមកកាន់នគរបាលប៉ុស្តិ៍ផ្សារដើមថ្កូវ ដើម្បីធ្វើការសាកសួរ និងកំណត់ហេតុបញ្ជូនទៅកាន់អធិការដ្ឋាន នគរបាលខណ្ឌចម្ការមនចាត់ការទៅតាមនីតិវិធីជាបន្ត៕
ចែករំលែកព័តមាននេះ