ខេត្តក្រចេះ ៖ ស្របទៅនឹងការបម្រែបម្រួលអាកាសធាតុមានភាពត្រជាក់ខ្លាំងក្នុងអំឡុង រយៈពេលប៉ុន្មានថ្ងៃជាប់ៗគ្នានេះ មន្ត្រីនៃមន្ទីរសុខាភិបាលខេត្តបានអះអាងថា ការប្រែប្រួលអា កាសធាតុនេះ មិនបង្កឲ្យមានបាតុភាពផ្ទុះជំងឺអ្វីមួយប៉ះពាល់ដល់ធ្ងន់ធ្ងរដល់សុខភាពរបស់ប្រជាពលរដ្ឋ ក្នុងខេត្តនោះទេ។ ប្រធានមន្ទីរសុខាភិបាលខេត្តក្រចេះ…
ខេត្តក្រចេះ ៖ ស្របទៅនឹងការបម្រែបម្រួលអាកាសធាតុមានភាពត្រជាក់ខ្លាំងក្នុងអំឡុង រយៈពេលប៉ុន្មានថ្ងៃជាប់ៗគ្នានេះ មន្ត្រីនៃមន្ទីរសុខាភិបាលខេត្តបានអះអាងថា ការប្រែប្រួលអា កាសធាតុនេះ មិនបង្កឲ្យមានបាតុភាពផ្ទុះជំងឺអ្វីមួយប៉ះពាល់ដល់ធ្ងន់ធ្ងរដល់សុខភាពរបស់ប្រជាពលរដ្ឋ ក្នុងខេត្តនោះទេ។ ប្រធានមន្ទីរសុខាភិបាលខេត្តក្រចេះ លោក ឈ្នាង សុវត្ថា បានឲ្យដឹងនៅថ្ងៃទី២១ ខែធ្នូ នេះថា មន្ទីរបានចាត់ឲ្យក្រុមគ្រូពេទ្យតាមគ្រប់មណ្ឌល និងប៉ុស្តិ៍សុខភាពទូទាំងខេត្ត ពិនិត្យតាម ដានសុខភាពការរស់នៅរបស់បងប្អូនប្រជាពលរដ្ឋ ដើម្បីត្រៀមបង្កាទប់ស្កាត់លើបាតុភាពការ ផ្ទុះជំងឺអ្វីមួយពិសេសជំងឺផ្តាសាយក្នុងអំឡុងពេលដែលធាតុអាកាសកំពុងតែប្រែប្រួលនេះ។ ខេត្តក្រចេះក៏មិនខុសពីខេត្តដទៃទៀតនោះទេ គឺអាកាសធាតុ ត្រូវបានប្រែប្រួលដោយរង ភាពត្រជាក់ខ្លាំងក្នុងកម្រិតអតិបរិមាពី១៨ដល់២៣អង្សារ។
ទន្ទឹមនឹងស្ថានភាពអាកាសធាតុមានភាពត្រជាក់ជារៀងរាល់ថ្ងៃបែបនេះ នៅតាមជនបទ ពលរដ្ឋបាននិយមនាំគ្នាដុតភ្នក់ភ្លើងដើម្បីអាំងកម្ដៅខ្លួន នៅតាមមុខផ្ទះ និងនៅតាមក្រោមផ្ទះជាដើម។ ស្របគ្នានេះដែរការដាក់លក់នូវសម្លៀកបំពាក់អាវរងា ក៏ដូចជាស្រោមដៃ និងស្រោម ជើងរបស់អាជីវករមួយចំនួននៅតាមទីប្រជុំជននានាក្នុងខេត្ត ត្រូវគេមើលឃើញថា កំពុងតែលក់ដាច់ខ្លាំង ខណៈដែលពលរដ្ឋកំពុងតែសម្រុកទិញយកទៅប្រើប្រាស់។ ដូចគ្នានេះការ ដុតភ្នក់ភ្លើងនៅតាមមុខផ្ទះ និងនៅតាមក្រោមផ្ទះដើម្បីយកកម្ដៅអាំងខ្លួន ពីប្រជាពលរដ្ឋនៅតាមជនបទត្រូវគេមើលឃើញថាបានធ្វើឡើងជាហូរហែ។
កំពុងតែនាំគ្នាឈរដុតភ្នក់ភ្លើងដើម្បីកម្ដៅខ្លួនជុំគ្នាបុរសវ័យចំណាស់ឈ្មោះ កែវ ជិក រស់នៅក្នុងឃុំគោលាប់ ស្រុកចិត្របុរី បានរៀបរាប់ដោយប្រៀបធៀបថា ឆ្នាំនេះអាកាសធាតុ មានភាពត្រជាក់ខ្លាំងជាឆ្នាំមុនៗ។ ហើយទន្ទឹមនឹងភាពត្រជាក់បែបនេះ គ្រួសារគាត់តែងតែដុត ភ្នក់ភ្លើងនៅខាងមុខផ្ទះដើម្បីកម្ដៅខ្លួនជារៀងរាល់ថ្ងៃ ពិសេសពេលព្រឹក និងពេលយប់។ ប្រធាមន្ទីរសុខាភិបាលលោក ឈ្នាង សុវត្ថា បានសន្និដ្ឋានថា ពលរដ្ឋមិនបានរង បាតុភាពជំងឺអ្វីធ្ងន់ធ្ងរ ណាមួយក្នុងអំឡុងអាកាសធាតុត្រជាក់ខ្លាំងនេះនោះទេ ខណៈការមក ទទួលសេវាព្យាបាលរបស់ពួកគាត់នៅនឹងមន្ទីរពេទ្យ ក៏ដូចជានៅមណ្ឌលសុខភាព និងប៉ុស្តិ៍ សុខភាពគឺមិនមានតួលេខកើនឡើង ផ្ទុយទៅវិញគឺអត្រាការមកទទួលសេវាបែរជាមានចំនួន ថយចុះទៅវិញ៕
ចែករំលែកព័តមាននេះ